Policia e Kosovës ka njoftuar se një person është zhdukur nga data 23.01.2025 dhe nuk dihet vendndodhja e tij.
“Është raportuar se nga data e cekur viktima mashkull kosovar ka dalë nga shtëpia dhe nga ajo kohë nuk dihet vendndodhja e tij.” – thuhet në njoftimin e Policisë.
Policia thotë se është duke e hetuar rastin.
Policia se ka arrestuar një person në Bllacë të Suharekës.
Sipas Policisë, i arrestuari dyshohet se pas një mosmarrëveshjeje e ka kanosur verbalisht një person dhe ka shtënë me armë zjarri.
Si provë materiale, Polica ka konfiskuar një armë gjuetie.
Polica thotë se, pas intervistimit, i dyshuari është liruar në procedurë të rregullt.
Një aksident trafiku ka ndodhur në magjistralen Ferizaj-Prishtinë, përkatësisht në fshatin Prelez i Muhaxherëve të Ferizajt.
Kanun Veseli, zëdhënës i Policisë Rajonale të Ferizajt njofton se të lënduar kanë mbetur katër persona.
Aksidenti ka ndodhur rreth orës 21:00 të 26.01.2025.
“Në aksident janë përfshirë një autobus dhe tri vetura, të gjitha me targa vendore. Në vendngjarje menjëherë kanë dalë ekipet e policisë nga Njësia e Komunikacionit Rrugor, ndërsa hetuesit e aksidenteve kanë kryer ekzaminimin e plotë të vendit të ngjarjes” – deklaroi Veseli për KALLXO.com.
Tutje ai thotë se të lënduarit janë dërguar në Qendrën Emergjente në Ferizaj për trajtim mjekësor.
Automjetet e përfshira kanë pësuar dëme materiale.
“Për të gjitha veprimet e ndërmarra nga policia, është njoftuar prokurori i shtetit” – thotë Veseli.