Kategori: Ligji

  • Dyshohet se vodhi 3 kg ari dhe 1 kg argjent në natën e vitit të ri në Prizren, arrestohet një person nga një fshat i Ferizajt

    Policia e Kosovës ka njoftuar se ka arrestuar një person nga fshati Greme të Ferizajt më 25.01.2025 nën dyshimin se ka vjedhur 3 kilogram ari dhe 1 kilogram argjend në vlerë të përgjithshme prej 168 mijë eurove.

    Sipas njoftimit, pas hetimeve ishte identifikuar i dyshuari me lokacion në fshatin Greme ku edhe janë sekuestruar disa prova.

    “Ankuesi Mashkull nga Prizren, pronar i një argjendari   me datë 13.01.2025 ka raportuar  se nga   persona të  dyshuar të  panjohur i është vjedhur ari  nga lokali – argjentari në Rr. “ Adem Jashari”  në Prizren, sipas ankuesit nga argjentaria ia janë stoli ari rrethe  3 kg dhe 1 kg argjendtë ne vlere totale rreth   168.000 euro” – thuhet në njoftim.

    “Gjatë kontrollit janë gjetur dëshmi-prova të shumta ndërlidhëse me rast të cilët dhe janë sekuestruar. Gjithashtu është sekuestruar edhe Automjeti me të cilin është kryer vepra penale si provë materiale” – thuhet në komunikatën e policisë.

    Me urdhër të Prokurorit të çështjes i dyshuari mbahet në ndalim 48 orë ndërsa rasti është nën hetim.

  • Ushtroi dhunë psikike ndaj gruas dhe vajzës, arrestohet një person në Prishtinë

    Policia e Kosovës ka njoftuar se ka arrestuar një person të premten në Prishtinë, më 24.01.2025 pasi i njëjti dyshohet se ka ushtruar dhunë në vazhdimësi ndaj gruas së tij dhe vajzës.

    I njëjti, sipas forcave të rendit, me vendim të prokurorit është dërguar në mbajtje.

    “Është arrestuar i dyshuari mashkull kosovar, pasi që në vazhdimësi kishte ushtruar dhunë psikike ndaj bashkëshortes dhe vajzës së tij, viktimave femra kosovare” – thuhet në raportin 24-orësh të policisë.

  • Drenas, gruaja sulmon fizikisht burrin

    Policia e Kosovës ka njoftuar se një burrë ka denoncuar gruan e tij për sulm fizik.

    Sipas njoftimit, i njëjti ka pranuar edhe tretman mjekësor.

    Rasti, sipas forcave të rendit ndodhi më 21.020.32025 në Drenas.

    “Ankuesi mashkull kosovar, ka informuar se është sulmuar fizikisht nga bashkëshortja e tij e dyshuara femër kosovare. Viktima ka pranuar tretman mjekësor. Me vendim të prokurorit pas intervistimit palët janë liruar dhe rasti shkon në procedurë të rregullt” – thuhet në njoftim.