Etiketë: AAK

  • Tolaj (AAK): Do ta zgjerojmë Listën e barnave esenciale

    Kandidati  për Deputet nga radhët e koalicionit AAK-NISMA, Arbër Tolaj, gjatë shpalosjes së Programit zgjedhor për fushën e Shëndetësisë, në emisionin “Debat Përnime”, ka folur ndër tjera edhe për Listën esenciale të barnave.

    Lidhur më këtë, ai përmendi procedurat e prokurimit, që sipas tij, shkaktojnë telashe në blerjen e barnave esenciale.

    Në këtë kontekst, ai tha se procedurat e prokurimit duhet të ndryshojnë kur bëhet fjalë për disa barna.

    “Barnat për kancerin janë të nevojshme në baza ditore, jo me u prit procedurat e tenderimit, e ato afatet e Ankesave. Mendoj që procedurat e prokurimit duhet të ndryshohen.” – tha Tolaj.

    Përveç ndryshimit të procedurës së prokurimit, Tolaj tha se do ta zgjerojnë edhe Listën e barnave esenciale dhe do të krijojnë një buxhet për këtë pjesë, deri në funksionalizmin e Fondit për Sigurime Shëndetësore.

    “Këtë Listë ne mendojmë ta zgjerojmë, të krijohet një buxhet deri në funksionalizmin e Fondit për Sigurime Shëndetësore.” – thekson ai.

    Në Programin zgjedhor, Koalicioni AAK-Nisma ka paraparë që çdo familje në Kosovë ta ketë mjekun e vet familjar. Premtim tjetër është sigurimi i buxhetit dyvjeçar për Fondin e Sigurimeve Shëndetësore për të gjithë qytetarët.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 9 shkurtit 2025. Kandidatët për deputetë nga partitë politike garuese, përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashit dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve. RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    “Na s’jemi oligarkë. Asnjëri prej neve në KALLXO.com nuk jemi pasanika, as milionera e le më oligarka. Ne kemi qenë në RTK e na kanë largu prej RTK-së, saktë sepse kemi raportuar qysh oligarkët e kanë zhvat shtetin.” – ka deklaruar Jeta Xharra në hapje të Debatit të parë zgjedhor, në kuadër të “Debat Përnime”.

    Për më shumë, lexoni në linkun në vijim:

    https://kallxo.com/gjate/dyfishim-pagash-digjitalizim-dhe-zgjerim-te-listes-se-barnave-esenciale-plani-i-aak-se-per-shendetesine/

     

     

  • Dreshaj (AAK): Do ta rishikojmë buxhetin për Shëndetësinë

    Aleanca për Ardhmëninë e Kosovës (AAK) së bashku me partnerët e saj të koalicionit: Nismën Socialdemokrate, Konservatorët, Forumin Intelektual E-30 dhe Listën Ideal kanë prezantuar në emisionin “Debat Përnime” planin e tyre për fushën e Shëndetësisë.

    Kandidati për Deputet, Shemsedin Dreshaj derisa ka folur për ato që ai i ka quajtur “dështimet e Qeverisë aktuale” në krijimin e Strategjisë për Shëndetësinë është zotuar se me ardhjen e tyre në pushtet, hapi i parë që do bëjnë do të jetë rishikimi i statusit të Shërbimit Spitalor dhe Klinik Universitar të Kosovës (SHSKUK).

    “Hapi i parë në Shëndetësi në situatën aktuale që e kemi është se duhet të merremi me statusin e SHSKUK-së. Praktikisht, kemi një centralizim ekstrem të kompetencave në nivel të Bordit, që e menaxhon SHSKUK-në.” – tha ai.

    Andaj lidhur më këtë, Dreshaj tha se “AAK rekomandon që Drejtori të ketë kompetenca dhe të jep përgjegjësi”, pasi aktualisht, sipas tij, Drejtorët nuk kanë kompetenca për sa kohë që përgjegjësitë i kanë të vogla.

    Nëse Aleanca vjen në pushtet, sipas tij, buxheti i ndarë për sektorin e Shëndetësisë për vitin 2025 nga Qeveria Kurti do të rishikohet, qysh në seancën e parë të Kuvendit.

    Premtimi i radhës nga Dreshaj në emër të partisë së tij ishte edhe heqja e TVSH-së për barna dhe pajisje mjekësore.

    Ndër tjera, ky koalicion e ka përfshirë në Programin zgjedhor edhe krijimin e Sistemit Informativ Shëndetësor (SISH), zgjerimin e Listës esenciale të barnave deri në funksionalizimin e sigurimeve shëndetësore, krijimin e një linje të veçantë buxhetore për Spitalet Rajonale dhe Klinika (QKUK), si dhe ndërtimin e një laboratori për analiza specifike për të arritur diagnostifikimin e saktë dhe të shpejtë për sëmundje specifike.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 9 shkurtit 2025. Kandidatët për deputetë nga partitë politike garuese, përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashit dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve. RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    “Na s’jemi oligarkë. Asnjëri prej neve në KALLXO.com nuk jemi pasanika, as milionera e le më oligarka. Ne kemi qenë në RTK e na kanë largu prej RTK-së, saktë sepse kemi raportuar qysh oligarkët e kanë zhvat shtetin.” – ka deklaruar Jeta Xharra në hapje të Debatit të parë zgjedhor, në kuadër të “Debat Përnime”.

    Për më shumë, lexoni në linkun në vijim:

    https://kallxo.com/gjate/dyfishim-pagash-digjitalizim-dhe-zgjerim-te-listes-se-barnave-esenciale-plani-i-aak-se-per-shendetesine/

     

  • Tolaj (AAK): Kemi propozim konkret për zvogëlimin e listës së pritjes së pacientëve

    Aleanca për Ardhmërinë e Kosovës (AAK), së bashku me partnerët e saj të koalicionit: Nismën Socialdemokrate, Konservatorët, Forumin Intelektual E-30 dhe Listën Ideal premtojnë se nëse vijnë në pushtet do ta zvogëlojnë listën e pritjes së pacientëve për marrjen e shërbimeve shëndetësore.

    Kandidati për Deputet nga ky koalicion, Arbër Tolaj thotë se për zgjidhjen e kësaj problematike e kanë një plan konkret.

    “Ne kemi një propozim konkret për zvogëlimin e listës së pritjes. Ne veçse kemi Sallat Operative. Një Sallë Operative mund të zvogëlojë listën e pritjes, pasi në të mund të kryhen diku 500 operacione brenda vitit në kuptim të endoprotezave të gjurit dhe kërdhokullës.” – tha Tolaj, në “Debat Përnime”, më 20.01.2025.

    Ndër të tjera, ai potencoi se aktualisht ka mungesë të anesteziologëve, meqë ata janë kuadër deficitar.

    Por, me krijimin e mundësive që për një Sallë Operative të ketë një anesteziolog, sipas tij, do të ndihmohej në uljen e listës së pritjes.

    “Në qoftë se ne kemi mundësi si Klinikë me pas një anesteziolog permanent për një Sallë Operative në baza ditore, një teknik të anestezionit dhe stafin tjetër përcjellës – kirurgët e mjekët në specializim… Ky është një propozim konkret.” – tha Tolaj.

    Ndërsa për zgjidhjen e kësaj çështjeje ai tha, se duhet një strategji dhe planifikim afatmesëm nga Qendra Klinike Universitare e Kosovës (QKUK), për Spitalet regjionale dhe Klinikat e Anesteziologjisë.

    Në Programin zgjedhor, Koalicioni AAK-Nisma ka paraparë që çdo familje në Kosovë ta ketë mjekun e vet familjar. Premtim tjetër është sigurimi i buxhetit dyvjeçar për Fondin e Sigurimeve Shëndetësore për të gjithë qytetarët.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 9 shkurtit 2025. Kandidatët për deputetë nga partitë politike garuese, përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashit dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve. RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Na s’jemi oligarkë. Asnjëri prej neve në KALLXO.com nuk jemi pasanika, as milionera e le më oligarka. Ne kemi qenë në RTK e na kanë largu prej RTK-së, saktë sepse kemi raportuar qysh oligarkët e kanë zhvat shtetin.” – ka deklaruar Jeta Xharra në hapje të Debatit të parë zgjedhor, në kuadër të “Debat Përnime”.

    Për më shumë, lexoni në linkun në vijim:

    https://kallxo.com/gjate/dyfishim-pagash-digjitalizim-dhe-zgjerim-te-listes-se-barnave-esenciale-plani-i-aak-se-per-shendetesine/