Etiketë: LDK

  • Abdixhiku në Mitrovicë: Koha për LDK-në sërish ka ardhë

    Kandidati i LDK-së për kryeministër, Lumir Abdixhiku, ka mbajtur tubim me qytetarë në qytetin e Mitrovicës.

    Ai ka thënë se Mitrovica është simbol i përpjekjes për bashkim e nevojës për rezistencë.

    Më tej ai ka thënë se Mitrovica ka lindur dhe rritur njerëz të pashembullt, punëtorë, intelektualë, artistë dhe heronj që i dhanë Kosovës shpirt dhe jetë.

    Abdixhiku ka thënë se ka qenë aty për të përhapur kushtrimin e djathtë kombëtar se koha për LDK-në sërish ka ardhë.

    “Prandaj nuk jam sot mes jush të ju ftoj nëndarje e përcarje. Të ju nxis në urrejtje ndaj tjetrit. Të ju ndajë në patriot e tradhëtarë, me mua apo me Serbinë. Sot jam këtu të ju shtroj dorën e afrimit, të shpalosi programin e ndryshimit e mbi të gjitha, të përhapë kushtrimin e djathtë kombëtar se koha për LDK-në sërish ka ardhë” – ka thënë ai më 18.01.2025.

    Fushata pёr zgjedhjet parlamentare nё Kosovё ka filluar zyrtarisht mё 11.01.2025.

    Për njё muaj, partitë politike pritet të mbajnë tubime elektorale me qytetarët, për të fituar besimin e tyre në garën për zgjedhjet parlamentare të 09.02.2025.

    Për këto zgjedhje janë certifikuar 28 subjekte politike me 1,280 kandidatë.

    Sipas Ligjit, gjatë periudhës së fushatës zgjedhore subjektet politike kanë të drejtë:

    – të organizojnë dhe të mbajnë tubime/ngjarje politike, tryeza të rrumbullakëta, konferenca për shtyp, fjalime, ose ndonjë aktivitet tjetër të ngjashëm, përmes së cilave ata mund t’i shprehin lirisht mendimet e tyre – me qëllim të fitimit të përkrahjes nga votuesit e tyre;

    – të publikojnë dhe të shpërndajnë afishe, reklama dhe material tjetër lidhur me një fushatë zgjedhore; të bëjnë fushatë përmes cilitdo operator televiziv, të radios apo kabllor, gjithashtu edhe përmes revistave, shtypit, rrjetit telefonik, sistemit postar ose çdo lloj mjeti tjetër reklamues – në pajtim me rregullat e KQZ-së dhe ligjet tjera në fuqi.

    Këto do të jenë zgjedhjet e para të rregullta që Kosova mban që nga shpallja e Pavarësisë më 2008.

  • Plani i LDK-së për Policinë e Kosovës: Pensionimi i policëve do të bëhet sipas modelit të FSK-së

    Kandidatët për deputetë nga Lidhja Demokratike e Kosovës (LDK), derisa kanë shpalosur në “Debat Përnime” programin për fushën e sigurisë, kanë folur edhe për reformat që i kanë paraparë për Policinë e Kosovës.

    Nga ta u tha se në kuadër të kësaj reforme parashihet edhe Vettingu në këtë institucion.

    Kandidati për deputet, Nuredin Ibishi, ka shpjeguar se ky proces planifikohet të fillojë nga Ministria e Punëve të Brendshme e deri të Agjencia për Menaxhimin e Emergjencave.

    “Së pari do të lidhen reformat në Ministrinë e Punëve të Brendshme në aspektin sektorial, duke filluar nga Policia e Kosovës, Inspektorati Policor e deri te Agjencia për Menaxhimin e Emergjencave”- ka thënë Ibishi.

    Ndër të tjera, numri i zyrtarëve policorë, sipas planit të LDK-së do të rritet nga 8 mijë sa është aktualisht në 10 mijë.

    LDK parasheh që pensionimi i policëve të bëhet sipas modelit të FSK-së, e jo të ketë pensionim të parakohshëm.

    Sipas Ligjit për shërbim në Forcën e Sigurisë së Kosovës, nënoficerët pensionohen në moshën 50 vjeçare, kurse oficerët pensionohen në moshën 55 pesëdhjetë vjeçare.

    Reforma premtohen se do të behën edhe në strukturat komanduese të Policisë së Kosovës.

    “Një kohë, Drejtori i përgjithshëm ka qenë ushtrues detyre dhe na ka sjellë probleme, mirëpo në këtë drejtim do të kemi kërkesa për ndryshimin e Ligjit për Policinë në mënyrë që mos të afekton në aspekte politike, por ai të jetë më tepër funksional”- tha Ibishi.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 9 shkurtit 2025. Kandidatët për deputetë nga partitë politike garuese, përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashit dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve. RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Na s’jemi oligarkë. Asnjëri prej neve në KALLXO.com nuk jemi pasanika, as milionera e le më oligarka. Ne kemi qenë në RTK e na kanë largu prej RTK-së, saktë sepse kemi raportuar qysh oligarkët e kanë zhvat shtetin.” – ka deklaruar Jeta Xharra në hapje të Debatit të parë zgjedhor, në kuadër të “Debat Përnime”.

    Për më shumë lexoni në linkun në vijim:

    https://kallxo.com/gjate/lagje-per-ushtaraket-njesi-te-helikoptereve-dhe-smart-defence-zotimet-e-ldk-se-per-mbrojtjen/

  • Ibishi: LDK nuk e përkrah kthimin e policëve serbë me marrëveshje politike

    Kandidati për deputet nga radhët e Lidhjes Demokratike të Kosovës (LDK), Nuredin Ibishi, në emisionin “Debat Përnime”, më 18.01.2025, ka folur për çështjen e largimit të policëve serbë në vitin 2022 nga Policia e Kosovës. Me këtë rast, ai ka paraqitur edhe propozimin e LDK-së lidhur me këtë rast.

    LDK, sipas tij, nuk e përkrah ndonjë marrëveshje politike për kthimin e të dorëhequrve serbë në Policinë e Kosovës, mirëpo e sheh të udhës hapjen e konkurseve të reja për pranimin e policëve nga radhët e këtij komuniteti.

    “Nuk jemi përkrahës të marrëveshjeve politike [për këtë gjë]. Ata mund të konkurrojnë edhe pse është e kufizuar mosha. Ata që i kanë deri në 29 vjet mund të aplikojnë si pjesëtarë të ri, nëse s’kanë qenë të implikuar, por jo me një marrëveshje politike”- tha Ibishi.

    Sipas tij, “zyrtarët policorë të komunitetet serb e kanë lëshuar detyrën me urdhëresë të Beogradit”.

    Mirëpo, përkundër kësaj, siç thotë ai, LDK është për një qasje më ndryshe.

    Sipas Ibishit, sovraniteti nuk fitohet vetëm me forcë, por edhe me integrim.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 9 shkurtit 2025. Kandidatët për deputetë nga partitë politike garuese, përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashit dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve. RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Na s’jemi oligarkë. Asnjëri prej neve në KALLXO.com nuk jemi pasanika, as milionera e le më oligarka. Ne kemi qenë në RTK e na kanë largu prej RTK-së, saktë sepse kemi raportuar qysh oligarkët e kanë zhvat shtetin.” – ka deklaruar Jeta Xharra në hapje të Debatit të parë zgjedhor, në kuadër të “Debat Përnime”.

    Për më shumë lexoni në linkun në vijim:

    https://kallxo.com/gjate/lagje-per-ushtaraket-njesi-te-helikoptereve-dhe-smart-defence-zotimet-e-ldk-se-per-mbrojtjen/