Etiketë: arrestim

  • Arrestohen katër persona të cilët dyshohen se kanë planifikuar një vrasje

    Policia e Kosovës ka njoftuar se i ka arrestuar katër të dyshuar, të cilët dyshohet se kanë planifikuar përgatitjen e vrasjes së një personi.

    Sipas njoftimit të Policisë, rasti ka ndodhur në Pejë dhe Prishtinë gjatë vitit 2024 dhe 2025.

    Policia i ka zënë në flagrancë të dyshuarit, duke pranuar armët për kryerjen e veprës. Si rrjedhojë, të dyshuarve u janë sekuestruar armë e municion.

    “Gjatë operacionit policor janë kontrolluar vendbanimet e të dyshuarve, në katër lokacione të ndryshme, ku gjatë kontrollit janë gjetur dhe sekuestruar dy armë, municion të kalibrave të ndryshme, si dhe disa dëshmi të tjera të rëndësishme.” – thuhet në njoftimin e Policisë, më 30.01.2025.

    Policia njofton se, me vendim të Prokurorit, pas intervistimit tre nga të dyshuarit janë dërguar në mbajtje, ndërsa njëri është liruar në procedurë të rregullt.

    Ndërsa, rasti është inicuar si: “pjesëmarrje ose organizim i grupit kriminal të organizuar dhe detyrim”.

  • Policia arreston dy persona, dyshohen për vjedhje në një Pompë derivatesh në Trudë të Prishtinës

    Policia e Kosovës ka arrestuar të mërkurën dy persona, të cilët dyshohet se kanë kryer vjedhje në një Pompë derivatesh në fshatin Trudë të Prishtinës, më 24.01.2025.

    Sipas Policisë të arrestuarit janë shtetas kosovarë dhe u takojnë moshave 34 dhe 33 vjeç.

    “Sot nga Njësiti i Hetimeve të Drejtorisë së Kryeqytetit, Njësia e Stacionit – Veriu, janë arrestuar dy persona të dyshuar për grabitje. Rasti ka ndodhur më 24 janar 2025, në fshatin Trudë, saktësisht në një Pompë derivatesh. Puna e hetuesve policorë ka rezultuar me identifikimin dhe  arrestimin e personave të dyshuar (meshkuj): V.I. (34 vjeç) dhe L.B (33 vjeç), të dy shtetas të Republikës së Kosovës, për të cilët ekziston dyshimi se të njëjtit kanë qenë të përfshirë në rastin e grabitjes.” – tha Policia.

    Policia thekson se personat e dyshuar, me vendim të Prokurorisë, janë ndaluar në mbajtje, përderisa hetuesit po kryejnë të gjitha veprimet e nevojshme hetimore e procedurale – lidhur me rastin.

  • Disa vajza shihen në rrjete sociale duke sulmuar njëra-tjetrën, identifikohen nga Policia

    Policia në Prishtinë ka identifikuar katër shtetase kosovare përmes një video-incizimi të publikuar në rrjete sociale, teksa shihen duke e sulmuar njëra-tjetrën.

    Pas intervistimit tri nga to janë dërguar në mbajtje – thekson Policia.

    “Pas hetimeve të zhvilluara lidhur me një video-incizim të shpërndarë në rrjete sociale, ku shiheshin disa vajza duke sulmuar njëra tjetrën, janë identifikuar dhe intervistuar katër femra kosovare: tri në cilësinë e të dyshuarave dhe një në cilësi të viktimës.” – thuhet në Raportin policor.

    Sipas Policisë pas intervistimit, me vendim të Prokurorit, të dyshuarat janë dërguar në mbajtje.

    Rasti është iniciuar si: “sulm”.