Etiketë: Gjakove

  • Dyshohet se një 27-vjeçar i zhdukur ka rënë nga Ura e Fshajt – FSK angazhon ekipe për kërkim

    Forca e Sigurisë së Kosovës (FSK) ka angazhuar ekipe në kërkim-shpëtim për gjetjen e një 27 vjeçari të zhdukur, që dyshohet të ketë rënë nga Ura e Fshajt më 24 dhjetor 2024.

    Personi i zhdukur me inicialet A. H. është nga Komuna e Gjakovës.

    “Ekipet e specializuara të kërkim-shpëtimit të Gardës Kombëtare të Forcës së Sigurisë së Kosovës kanë filluar operacionin e kërkim-shpëtimit malor dhe ujor në kërkim të një 27 vjeçari, me inicialet A. H. nga Komuna e Gjakovës, i cili dyshohet të ketë rënë nga ura e Fshajt më 24.12.2024.” – thuhet në njoftimin e FSK-së.

    FSK thekson se angazhimi i ekipeve erdhi me kërkesën e Qendrës së Situatave të Qeverisë së Republikës së Kosovës dhe në koordinim me Policinë e Kosovës të rajonit të Gjakovës.

  • Ia ekspozoi thikën, arrestohet i dyshuari në Gjakovë

    Policia e Kosovës ka arrestuar një burrë nën dyshimin për veprat penale: “mbajtje në pronësi”, “posedim i paautorizuar i armës” dhe “posedim i paautorizuar i substancave narkotike”.

    Personi i arrestuar kishte shkuar te vetura e viktimës dhe të njëjtit i kishte ekspozuar thikën.

    Ngjarja ka ndodhur në qytetin e Gjakovës.

    “Është arrestuar i dyshuari mashkull kosovar, për shkak se kishte shkuar te vetura e viktimës mashkull kosovar, të cilit i ka ekspozuar një mjet të mprehtë – thikë.” – thuhet në Raport.

    Policia gjatë kontrollit ka gjetur dhe ka sekuestruar një shkop druri, një thikë dhe një cigare me substanca të dyshuara narkotike e llojit marihuanë.

    “Gjatë kontrollit tek i dyshuari kanë gjetur dhe kanë sekuestruar një shkop druri, një thikë dhe një cigare me substanca të dyshuara narkotike e llojit marihuanë.” – siç thuhet në Raportin e Policisë.

    Ndërsa, me vendim të Prokurorit, i dyshuari është dërguar në mbajtje.

     

  • Arrestohet një person në Gjakovë, ia theu xhamat e dritareve dhe e fyeu ish-bashkëshorten

    Një person është arrestuar në Gjakovë më 01.01.2025, pasi dyshohet se në gjendje të dehur ka shkuar te shtëpia e ish bashkëshortes dhe ia ka thyer xhamat e dritareve.

    Më pas, siç raporton Policia, i dyshuari e kishte fyer viktimën.

    Me vendim të prokurorit i dyshuari është dërguar në mbajtje.

    Rasti është klasifikuar si “dhunë në familje”.