Policia e Kosovës ka iniciuar një rast hetimi të vdekjes në Novobërdë.
Sipas Raportit policor, më 06.01.2025, rreth orës 21:15 është njoftuar Prokurori kujdestar për vdekjen e një burri.
Trupi i pajetë i viktimës është dërguar në Institutin e Mjekësisë Ligjore (IML) për obduksion.
Policia e Kosovës, më 07.01.2024, në Mitrovicën e Jugut ka konfiskuar dy armë në dy raste të ndryshme.
Sipas një komunikate për media, në rastin e parë arrestimi i të dyshuarit është bërë pasi gjatë kontrollit të detajuar në posedim tek i njëjti është gjetur dhe konfiskuar një armë e shkurtër pistoletë.
Ndërsa në rastin e dytë Policia thotë se tek i dyshuari në posedim pa leje është gjetur dhe konfiskuar një armë e gjatë pushkë gjuetie.
“Të gjitha veprimet e ndërmarra i janë paraqitur Prokurorit të rastit, ndërsa pas intervistimit me aktvendim të Prokurorit dy të dyshuarve u është caktuar masa e ndalimit policor.” – thuhet në njoftim.
Ndaj tyre Policia thotë se janë iniciuar raste për veprën penale: “mbajtje në pronësi, posedim, kontroll të paautorizuar të armës” .
Një person është arrestuar sepse dyshohet se i është gjetur dhe sekuestruar një sasi prej 2.06 gramë substancë e dyshuar narkotike e llojit marihuanë dhe 0.85 gram substancë narkotike e llojit kokainë.
Sipas organeve të rendit rasti ka ndodhur në rrugën “Hasan Prishtina” në Prizren.
“I dyshuari pas intervistimit me vendim të prokurorit është dërguar në mbajtje”- thuhet në raportin e Policisë së Kosovës.