Etiketë: ferizaj

  • Thyen xhamat e makinës pas një konflikti – Policia arreston dy pesona në Ferizaj

    Policia në Ferizaj ka arrestuar dy persona: F. Xh. (51 vjeç) dhe Sh. L. (29 vjeç), nën dyshimin se më 20.01.2025, pas përfshirjes në një koflikt me disa persona, me shkopinj druri dëmtuan xhamat e një automjeti dhe më pas ishin larguar.

    Policia përmes një komunikate bëri të ditur se njëri i dyshuar që u arrestua më 20 janar pranoi se posedonte armë zjarri.

    “Pas mbërritjes në vendngjarje, Policia ka identifikuar fillimisht personin F.Xh. (M/K), 51 vjeç, i cili është shoqëruar në Stacionin Policor. Gjatë intervistimit, ai ka pranuar se posedonte një armë zjarri, e cila është sekuestruar nga Policia. Me vendim të Prokurorit të Shtetit, F.Xh. është ndaluar për 48 orë, ndërsa hetimet kanë vazhduar për identifikimin e personave të tjerë të përfshirë.” – bën të ditur Policia.

    Derisa, më 22 janar është arrestuar edhe i dyshuari i dytë Sh. L., tek i cili po ashtu është sekuestruar një armë zjarri.

    “Pas një pune intensive hetimore dhe mbledhjes së informacioneve në terren, më 22.01.2025, Policia ka arritur të identifikojë dhe të arrestojë një tjetër të dyshuar, Sh.L. (M/K), 29 vjeç. Ai është shoqëruar në Stacionin Policor në Ferizaj dhe pas intervistimit nga hetuesit, me vendim të Prokurorit të rastit, është ndaluar për 48 orë. Gjatë kontrollit, Policia ka sekuestruar një armë zjarri (pistoletë).” – thuhet me tej nga Policia.

    Derisa, hetimet po vazhdojnë për identifikimin dhe kapjen e personave të tjerë të dyshuar, të përfshirë në këtë rast.

    Rasti po trajtohet, si: “kanosje, asgjësim apo dëmtim i pasurisë dhe mbajtje të paautorizuar të armëve”.

  • Policia kërkon ndihmën e qytetarëve për identifikimin e një personi që dyshohet se mashtroi një shitëse në Ferizaj

    Policia e Kosovës ka kërkuar ndihmën e qytetarëve për identifikimin e një personi, i cili po dyshohet se, më 09.03.2024, në Ferizaj ka kryer veprën penale: “mashtrimi”.

    Sipas njoftimit personi dyshohet se ka mashtruar shitësen, me një shumë të caktuar të parave.

    “Drejtoria Rajonale e Policisë në Ferizaj, në bazë të autorizimit nga Prokuroria Themelore në Ferizaj për publikimin e fotografive të personave në kërkim, lëshon kërkesë për bashkëpunim me qytetarët me qëllim identifikimin, vendndodhjen dhe kapjen e personit të dyshuar, mashkull, i cili dyshohet se më 09.03.2024 në rrugën ‘Ahmet Kaçiku’, në Ferizaj ka kryer veprën penale: ‘mashtrimi’, ku në një lokal ka mashtruar shitësen me një shumë të caktuar të parave.” – thuhet në njoftim.

    Policia ka kërkuar që kushdo nga qytetarët që ka ndonjë informacion rreth identitetit të të dyshuarit të lajmërojë Stacionin më të afërt të Policisë, apo përmes aplikacionit digjital “Lajmëro Policinë” dhe në numrat kujdestarë: 192 ,0290/326-250 & 0290/322-406.

    Foto: Policia e Kosovës

     

     

     

  • Raportoi se është kanosur – Policia arreston viktimën pasi i gjeti armë zjarri 

    Një burrë është kanosur me armë nga një i panjohur, derisa tre persona të tjerë i kanë dëmtuar veturën me mjete të forta – raporton Policia. 

    Rasti raportohet të ketë ndodhur në Ferizaj, të hënën pak para mesnate, më 20.01.2025. 

    Ndërkaq, për këtë rast, Policia thotë se viktima ka pranuar se posedon një armë zjarri, me ç’rast i është konfiskuar bashkë me një fishekë.

    “Me vendim të Prokurorit, i njëjti arrestohet si i dyshuar dhe dërgohet në mbajtje për armëmbajtje pa leje.” – njofton Policia.