Etiketë: Prizren

  • Theret me thikë në kraharor një person në Prizren, arrestohen dy të dyshuar

    Një person është therur me thikë në krahëror në Prizren. Në lidhje me këtë rast janë arrestuar dy persona.

    Kështu ka bërë të ditur Shaqir Bytyqi, zëdhënës i Policisë Rajonale të Prizrenit. Ai ka njoftuar se më 02.01.2015 rreth orës 16:35 u mor informacioni se R.Sh i lindur më 1980 nga fshati Poslishtë po trajtohej në Emergjencën e Spitalit Rajonal.

    Policia ka kontaktuar me viktimën, i cili ka deklaruar se në qendrën e Poslishtës kishte ndodhur një mosmarrëveshje mes tij dhe të dyshuarit 18-vjeçar.

    Sipas Bytyqit, të dyshuarit viktima nuk ia dinte emrin por nga ai ishte goditur me thikë në kraharor, me ç’rast mori lëndime trupore.

    “Sipas mjekëve viktima është jashtë rrezikut për jetë. Dy persona janë arrestuar si të dyshuar lidhur me rastin, një i mitur dhe një madhor” – deklaroi Bytyqi për KALLXO.com

  • Uka: 25-vjeçari i lënduar nga fishekzjarret në Prizren është në gjendje kritike

    25-vjeçari i lënduar si pasojë e shpërthimit të fishekzjarreve në një pikë shitjesh të mjeteve piroteknike në Prizen më 31.12.2024 është në gjendje kritike shëndetësore.

    Ai është duke u trajtuar në Klinikën Intensive të QKUK-së.

    Shaqir Uka, shef i Klinikës Intensive në QKUK, për KALLXO.com bëri të ditur se i lënduari po merr trajtim të mëtejshëm në këtë Klinikë.

    “Një pacient 25-vjeçar nga Prizreni po vazhdon të mbetet në gjendje kritike shëndetësore dhe vazhdon të marrë tretman të mëtutjeshëm mjekësor në Mjekimin Intensiv tē QKUK-së” – bëri të dikur Uka.

    Sipas Policisë, nga zjarri i mjeteve piroteknike janë përfshirë nga flakët edhe lokale, banesa e vetura.

     

  • Policia jep detaje për incidentin në Prizren ku një pikë shitje e mjeteve piroteknike u përfshi nga zjarri

    Policia e Kosovës ka bërë të ditur se mbrëmë rreth orës 21:30 një shpërthim i zjarrit ka ndodhur nga ndezja e mjeteve piroteknike në një pikë-shitje në trotuar.

    Si pasojë, ka bërë të ditur Policia, zjarri është përhapur në lokalet dhe ndërtesat për rreth kësaj pike shitjeje. Dy persona kanë mbetur të lënduar, ku njëri prej tyre është dërguar në QKUK në Prishtinë, ndërsa tjetri në Emergjenë në Prizren.

    “Në vendin e ngjarjes janë shkaktuar dëme materiale në objekte si banesa, lokale dhe automjete. Njësiti i zjarrfikësve ka dalë në vend ngjarje dhe kanë arritur ta shuajnë zjarrin” – ka njoftuar Policia e Kosovës.