Katër persona janë shoqëruar në Stacionin Policor në Lipjan, pasi është raportuar se ka ndodhur një rast dhunimi.
Prej katër personave, Policia njofton se njëra është shtetase e Shqipërisë, e cila është intervistuar në cilësi të viktimës. Rasti dyshohet se ka ndodhur më 29.01.2025.
”Me vendim të Prokurorit rasti procedohet në procedurë të rregullt.” – njofton Policia, më 30.01.2025.
Ky rast është regjistruar si: “dhunim”.
Një grua më 27.01.2025 ka raportuar në Policinë e Kosovës se është dhunuar nga një burrë.
Ndërkaq, Policia njofton se rasti ka ndodhur në Lipjan, më 25.01.2025.
Viktima thuhet se ka marrë trajtim mjekësor.
I dyshuari sipas Policisë është arrestuar, ndërsa me vendim të Prokurorit është liruar në procedurë të rregullt.
Një person ka vdekur pasi është aksidentuar me traktor, në Lipjan, të dielën më 26.01.2025.
Rastin e ka konfirmuar Policia në Raportin e lëshuar sot, më 27.01.2025.
Sipas Policisë, trupi i viktimës është dërguar në Institutin e Mjekësisë Ligjore për ekzaminim.
“Si pasojë e aksidentit lëndime trupore ka pësuar edhe një pasagjer mashkull kosovar, i cili është dërguar në tretman mjekësor, ndërsa me vendim të Prokurorit trupi i pajetë i viktimës është dërguar në IML për obduksion.” – thuhet në njoftimin e Policisë.