Etiketë: Policia

  • Drejtoi veturën me drita rrotative – Policia e dënon me 500 euro dhe i konfiskon patentë-shoferin

    Policia në Ferizaj e ka dënuar një ngasës i cili po e drejtonte automjetin me drita rrotative.

    Policia kishte tentuar fillimisht ta ndalojë automjetin, i cili po lëvizte në magjistralen Ferizaj – Prishtinë, por ngasësi nuk e kishte ndalur veturën.

    “Më 27.01.2025, rreth orës 18:00, policët e Njësisë së Komunikacionit Rrugor në Ferizaj kanë tentuar të ndalojnë një automjet të tipit “Audi Xhip” me targa vendore, i cili po lëvizte në rrugët e fshatit Talinovc i Muhaxherëve, në drejtim të rrugës magjistrale Ferizaj – Prishtinë.” – thuhet në njoftimin e Policisë.

    Më pas Policia e kishte identifikuar drejtuesin e automjetit, teksa e dënoi me 500 euro dhe ia konfiskoi patentë-shoferin për 3 muaj.

    “Pas verifikimit të pamjeve nga kamerat e sigurisë, Policia ka arritur ta identifikojë dhe ta ftojë në Stacionin Policor drejtuesin e automjetit, N.RR. (M/K), 40 vjeç. Pas intervistimit, ndaj tij është shqiptuar një gjobë kundërvajtëse prej 500 eurosh, si dhe masa mbrojtëse: heqje e patentë-shoferit për 3 muaj.” – u tha mes të tjerash në komunikatën e Policisë.

  • Arrestohen tre persona në Prishtinë – Policia u gjeti drogë

    Policia ka arrestuar tre persona në fshatin Shkabaj të Prishtinës, pasi gjatë ndaljes dhe kontrollit të makinës, u janë gjetur dhe konfiskuar 17 paketime substancë të dyshuar narkotike, të llojit marihuanë në peshë 28-gramë.

    Sipas Policisë, në koordinim me Prokurorin, gjatë bastisjes në shtëpinë e njërit nga të dyshuarit, janë gjetur dhe konfiskuar edhe 2,062 gramë substancë narkotike e llojit marihuanë, në katër paketime. Po ashtu, janë konfiskuar edhe tre telefona celularë.

    Policia më tej bën të ditur se, me vendim të Prokurorit, të dyshuarit pas intervistimit janë dërguar në mbajtje.

  • Pejë – Gruaja pranon tretman mjekësor pas dhunës në familje

    Dy raste të dhunës në familje janë raportuar në Policinë e Kosovës në 24 orët e fundit.

    Sipas Policisë, rastet janë regjistruar në Prishtinë dhe në Pejë.

    Në rastin e parë në Kryeqytet, më 30.01.2025, rreth orës 07:10, është raportuar se i dyshuari ka kryer veprën “dhunë në familje” ndaj një gruaje.

    “Lidhur me rastin palët janë intervistuar dhe, me vendim të Prokurorit, janë liruar.” – thuhet në Raportin policor.

    Ndërkaq, në rastin e dytë në Pejë, më 30.01.2025, rreth orës 17:40, Policia ka deklaruar se një grua ka raportuar se pas një mosmarrëveshjeje në familje është sulmuar fizikisht nga një burrë.

    “Viktima ka pranuar tretman mjekësor. Palët janë intervistuar dhe me vendim të Prokurorit janë liruar në procedurë të rregullt.” – thuhet në njoftim.