Etiketë: sokol dobruna

Në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit, të akuzuar për “krime lufte dhe krime kundër njerëzimit”, më 14.01.2025, ka filluar dëshminë Sokol Dobruna, ish-kryetari i Gjykatës Ushtarake të UÇK-së.

Mirëpo dëshmia e Dobrunës u ndërpre. Kjo pasi kryetari i trupit gjykues Charls Smith III njoftoi se dëshmia e dëshmitarit Dobruna ndërprehet pas dakordimit të palëve, pasi që i njëjti pati vështirësi në kujtesë.

“Dëshmitar, palët kanë rënë dakord që të pranohen deklaratat e mëparshme që keni dhënë ju dhe që ato janë të plota, e që do pranohen si të tilla. E kemi marrë këtë vendim, sepse kishit disa vështirësi për t’i mbajtur mend disa prej çështjeve. Ky është vendimi i Trupit Gjykues, nuk është  e nevojshme që të jepni më dëshmi.” – tha kryetari i Trupit Gjykues Charls Smith III.

“Faleminderit, por më lejoni se një gjë të tillë plotësisht të Prokurorisë nuk e pranoj.” – tha pas Kryetarit të Trupit Gjykues dëshmitari Dobruna.

Ky gjykim po drejtohet nga gjyqtarët Charls Smith III (kryesues), Christoph Barthe, Guénawl Mettraux dhe Fergal Gaynor.

Aktakuza fillestare kundër katër ish-eprorëve të UÇK-së u konfirmua më 26.10.2020 dhe ka pësuar disa ndryshime në vitet që kanë pasuar. Aktakuza aktualisht në fuqi u dorëzua më 27.02.2023 .

Secili prej të akuzuarve është akuzuar mbi bazën e përgjegjësisë penale individuale me gjashtë akuza për “krime kundër njerëzimit”: përndjekje, burgim, akte të tjera çnjerëzore, torturë, vrasje e paligjshme dhe zhdukje me forcë e personave.

Sipas Aktakuzës, krimet e paraqitura u kryen më së paku prej marsit 1998 deri në shtator 1999, në disa vendndodhje në Kosovë, si dhe në Kukës dhe në Cahan të Shqipërisë.

Gjykimi filloi më 03.04.2023 me deklaratat hyrëse të Prokurorit të Specializuar dhe të përfaqësuesit të viktimave, ndjekur nga ekipet e mbrojtjes, më 4 e 5 prill 2023.

Në këtë çështje janë 143 viktima pjesëmarrëse.

Ndërkaq, Prokuroria ka propozuar në këtë rast mbi 300 dëshmitarë.

Raportimet e tjera të KALLXO.com, lidhur me këtë rast, mund t’i lexoni në këtë LINK.

 

 

Në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit, të akuzuar për “krime lufte dhe krime kundër njerëzimit”, më 14.01.2025, ka filluar dëshminë Sokol Dobruna, ish-kryetari i Gjykatës Ushtarake të UÇK-së.

Dëshmitari Dobruna deklaroi se në UÇK është kyçur më 7 shtator 1998.

I pyetur se a i kujtohej kush kishte qenë komandant i tij. Dobruna tha se ‘Ramush Haradinaj’.

Në pyetjen se a e kishte njohur dikë me emrin Lahi Brahimaj. Dëshmitari Dobruna deklaroi duke thënë ‘Po’,  ndërsa shtoi se nuk e di se çfarë roli kishte pasur Brahimaj në Shtabin e Përgjithshëm atë kohë.

Prokurori John Capin pyeti dëshmitarin Dobruna nëse ishte takuar më 1998 me Hashim Thaçin dhe Jakup Krasniqin.

“Zotëri dëshmitar a jeni takuar ju në vjeshtë më 1998 me Jakup Krasniqin dhe Hashim Thaçin?” – pyeti Prokurori. Ndërsa, përgjigjja e dëshmitarit ishte se nuk i kujtohej.

Lidhur me Jakup Krasniqin, Dobruna deklaroi se kishin qenë shokë veprimtarë para luftës.

“Me Jakupin kemi qenë shokë veprimtarë para luftës dhe për atë jam taku pa ditë për çka është fjala. Atje kam shku me udhëzim të përfaqësuesit të të drejtave të njeriut në Kosovë, Adem Demaçit dhe e kam përcjellë Jakupin, se kam kujtu se ai është. Se kur e kam pyet atë, i kam thënë ‘A je ti Komandanti?’. Kam kujtu që është Komandant ai. ‘Jo’ – ka thënë ai – ‘…jam vetëm Zëdhënës’. Kaq kam pasë muhabet.” – shtoi tutje Dobruna.

Tutje, prokurori Capin pyeti dëshmitarin nëse i kujtohej që kishte shkuar në Divjakë në dhjetor të vitit 1998, për të marrë një pozitë të re brenda UÇK-së. Dëshmitari Dobruna tha ‘Po’.

“Kur shkuat në Divjakë si e mësuat se do të bëheshit Shefi i Shërbimit Juridik. Kush ju tha këtë gjë?”- ishte pyetja e radhës nga prokurori Capin.

“Nuk më kujtohet se si, por e di që atje më është komuniku emërimi si Shef i Shërbimit Juridik. Nuk më kujtohet si. Ka kalu (një) kohë shumë e gjatë.” – u përgjigj Dobruna.

“Ju po kërkoni prej meje, edhe pse është vërtetu se unë jam kah harresa shumë keq. Po nuk po e kuptoj këtë sjellje të Zotit Prokuror. Unë nuk jam në gjendje m’i kujtu të gjitha.” – shtoi tutje Dobruna.

Tutje, prokurori Capin pyeti dëshmitarin nëse ka pasur dijeni që të ketë pasur ndonjë urdhër nga Shtabi i Përgjithshëm për emërimin e tij.

“Zoti dëshmitar, ju vetë keni dijeni të ketë pasur ndonjë urdhër nga Shtabi i Përgjithshëm që do t’ju emëronte juve si Shef i Shërbimit Juridik.” – ishte pyetja e radhës nga Prokurori.

“Me siguri, masi më është komuniku qashtu. Unë procedurën nuk e di si është ardhë deri tek ajo. Po e di që kërkesa ka qenë prej Adem Demaçit.” – u përgjigj dëshmitari Dobruna.

Ku gjykim po drejtohet nga gjyqtarët Charls Smith III (kryesues), Christoph Barthe, Guénawl Mettraux dhe Fergal Gaynor.

Aktakuza fillestare kundër katër ish-eprorëve të UÇK-së u konfirmua më 26.10.2020 dhe ka pësuar disa ndryshime në vitet që kanë pasuar. Aktakuza aktualisht në fuqi u dorëzua më 27.02.2023 .

Secili prej të akuzuarve është akuzuar mbi bazën e përgjegjësisë penale individuale me gjashtë akuza për “krime kundër njerëzimit”: përndjekje, burgim, akte të tjera çnjerëzore, torturë, vrasje e paligjshme dhe zhdukje me forcë e personave.

Sipas Aktakuzës, krimet e paraqitura u kryen më së paku prej marsit 1998 deri në shtator 1999, në disa vendndodhje në Kosovë, si dhe në Kukës dhe në Cahan të Shqipërisë.

Gjykimi filloi më 03.04.2023 me deklaratat hyrëse të Prokurorit të Specializuar dhe të përfaqësuesit të viktimave, ndjekur nga ekipet e mbrojtjes, më 4 e 5 prill 2023.

Në këtë çështje janë 143 viktima pjesëmarrëse.

Ndërkaq, Prokuroria ka propozuar në këtë rast mbi 300 dëshmitarë.

Raportimet e tjera të KALLXO.com, lidhur me këtë rast, mund t’i lexoni në këtë LINK.

 

 

Në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit, të akuzuar për “krime lufte dhe krime kundër njerëzimit”, më 14.01.2025, ka filluar dëshminë Sokol Dobruna, ish-kryetari i Gjykatës Ushtarake të UÇK-së.

Dëshmitari Sokol Dobruna gjatë dhënies së dëshmisë së tij deklaroi se ka problem me kujtesën dhe se nuk po i kujtohen ato për të cilat po pyetet nga prokurori John Capin.

“A ju kujtohet që unë ju kam pyetur në qoftë se ju keni parë një të burgosur serb të vdekur në burgun e Kleqkës. A ju kujtohet kjo?” – pyeti prokurori Capin.

“Kam problem me këtë kujtesë, ta hajë dreqi! Nuk më kujtohet, veç s’është me rëndësi mund të jetë, nuk e mohoj – ashtu po mendoj.” – tha dëshmitari Dobruna.

“Më konkretisht, a ju kujtohet që keni bërë sqarime në deklaratën tuaj se vendi ku e keni parë këtë të burgosur ka qenë një qeli brenda një burgu?” – ishte pyetja e radhës nga Prokurori.

Ndërsa me “Jo.” – u përgjigj Dobruna.

Në pyetjet e radhës, Prokurori pyeti dëshmitarin Dobruna, nëse i kujtoheshin fjalët të cilat ishin korrigjuar nga ai. Lidhur me këtë dëshmitari Dobruna tha se nuk e di për cilat fjalë.

Tutje, prokurori Capin i kujtoi një fjalë Dobrunës, e cila ishte korrigjuar. Ndërsa, dëshmitari Dobruna tha se ‘I kishte harruar.’.

“Thuj, bre, që i kom harru krejt. A e di që i kam harru krejt? Kallxoju.” – tha dëshmitari Dobruna.

Pas kësaj Trupi Gjykues bëri pushim prej dhjetë minutash, që dëshmitari Dobruna të konsultohet me avokatin e tij . Ndërsa, kur palët u kthyen në Sallë, seanca kaloi në sesion privat për disa minuta.

Në këtë rast, çështja po drejtohet nga gjyqtarët Charls Smith III (kryesues), Christoph Barthe, Guénawl Mettraux dhe Fergal Gaynor.

Aktakuza fillestare kundër katër ish-eprorëve të UÇK-së u konfirmua më 26.10.2020 dhe ka pësuar disa ndryshime në vitet që kanë pasuar. Aktakuza aktualisht në fuqi u dorëzua më 27.02.2023.

Secili prej të akuzuarve është akuzuar mbi bazën e përgjegjësisë penale individuale me gjashtë akuza për “krime kundër njerëzimit”: përndjekje, burgim, akte të tjera çnjerëzore, torturë, vrasje e paligjshme dhe zhdukje me forcë e personave.

Sipas Aktakuzës, krimet e paraqitura u kryen më së paku prej marsit 1998 deri në shtator 1999, në disa vendndodhje në Kosovë, si dhe në Kukës dhe në Cahan të Shqipërisë.

Gjykimi filloi më 03.04.2023 me deklaratat hyrëse të Prokurorit të Specializuar dhe të përfaqësuesit të viktimave – ndjekur nga ekipet e mbrojtjes, më 4 e 5 prill 2023.

Në këtë çështje janë 143 viktima pjesëmarrëse.

Ndërkaq, Prokuroria ka propozuar në këtë rast mbi 300 dëshmitarë.

Raportimet e tjera të KALLXO.com lidhur me këtë rast, mund t’i lexoni në këtë LINK.