{"id":3201749,"date":"2025-01-01T19:38:32","date_gmt":"2025-01-01T18:38:32","guid":{"rendered":"https:\/\/kallxo.com\/?p=3201749"},"modified":"2025-01-01T19:38:32","modified_gmt":"2025-01-01T18:38:32","slug":"shkon-ne-dymbedhjete-numri-i-te-vrareve-ne-cetinje-2","status":"publish","type":"post","link":"https:\/\/www.drakonispahiu.com\/?p=3201749","title":{"rendered":"Shkon n\u00eb dymb\u00ebdhjet\u00eb numri i t\u00eb vrar\u00ebve n\u00eb Cetinj\u00eb"},"content":{"rendered":"

(Lajm n\u00eb zhvillim)<\/em><\/p>\n

02.01.2025 – 16:00 – Vukan dhe Jovan Vuletiq m\u00eb t\u00eb rinjt\u00eb, Radomir Markoviq viktima m\u00eb e vjet\u00ebr e tragjedis\u00eb n\u00eb Cetinje<\/strong><\/p>\n

9-vje\u00e7ari Vukan dhe v\u00ebllai i tij 5-vje\u00e7ar Jovan Vuletiq jan\u00eb viktimat m\u00eb t\u00eb reja t\u00eb nj\u00eb krimi masiv t\u00eb kryer pasditen e 01.01.2025 n\u00eb Cetinje nga 45-vje\u00e7ari Aco Martinoviq, raporton media malazeze Vijesti<\/a>.<\/p>\n

N\u00eb tragjedi ka mbetur i vrar\u00eb edhe xhaxhai i djemve \u2013 Mirko Vuletiq (45).<\/p>\n

Sipas policis\u00eb, Martinoviq vrau kat\u00ebr persona n\u00eb sht\u00ebpin\u00eb e nj\u00eb t\u00eb af\u00ebrmi n\u00eb Bajice – Radovan dhe Radmila Martinoviq dhe djemt\u00eb e tyre, binjak\u00ebt Millosh dhe Marko Martinoviq. N\u00eb sht\u00ebpin\u00eb e Martinoviqit \u00ebsht\u00eb plagosur r\u00ebnd\u00eb edhe gruaja e Markos, Marija (38).<\/p>\n

Nd\u00ebr viktimat e Aco Martinoviq jan\u00eb Radomir Markoviq (70), Joshoo Otasheviq (55), Branislav Mudresha (60), Dragana Drashkoviq (53) dhe motra e tij Zorica Vuletiq.<\/p>\n

M\u00eb 01.01.2025, pak pas or\u00ebs 17:30, n\u00eb tavern\u00ebn \u201cVelestovo\u201d, af\u00ebr Qendr\u00ebs Sportive, Martinoviq ka vrar\u00eb kat\u00ebr persona.<\/p>\n

Pas k\u00ebsaj, ai vrau edhe kat\u00ebr persona n\u00eb Bajice, dhe m\u00eb pas vrau dy f\u00ebmij\u00eb n\u00eb vendbanimin Humci dhe m\u00eb pas vazhdoi krimin n\u00eb Donji Kraji, ku vrau motr\u00ebn e tij dhe nj\u00eb person tjet\u00ebr.<\/p>\n

Kur policia e rrethoi rreth mesnat\u00ebs, Martinoviq q\u00eblloi veten n\u00eb kok\u00eb dhe m\u00eb pas vdiq rrug\u00ebs p\u00ebr n\u00eb spital\/Vijesti.me<\/a>.<\/p>\n

02.01.2025 – 15:11 – N\u00eb xhepat e Martinoviqit u gjet\u00ebn 80 plumba<\/strong><\/p>\n

80 plumba jan\u00eb gjetur n\u00eb xhepat e Aco Martinoviqit nga Cetinja, t\u00eb dyshuarit p\u00ebr vrasjen e 12 personave dhe plagosjen e kat\u00ebr t\u00eb tjer\u00ebve, m\u00eb 01.01.2025 n\u00eb Prijestonic\u00eb. P\u00ebrve\u00e7 municionit t\u00eb gjetur n\u00eb xhepat e tij, n\u00eb karikatorin e pistolet\u00ebs i jan\u00eb gjetur edhe disa fishek\u00eb t\u00eb kalibrit 9 mm, m\u00ebson jozyrtarisht Vijesti<\/a>.<\/p>\n

45 vje\u00e7ari tentoi vet\u00ebvrasjen pran\u00eb sht\u00ebpis\u00eb s\u00eb familjes n\u00eb Prijestonic\u00eb dhe nd\u00ebrroi jet\u00eb rrug\u00ebs p\u00ebr n\u00eb spitalin Danilo I n\u00eb Cetinje.<\/p>\n

M\u00eb 01.01.2025, pak pas or\u00ebs 17:30, n\u00eb tavern\u00ebn \u201cVelestovo\u201d, af\u00ebr Qendr\u00ebs Sportive, Martinoviq ka vrar\u00eb kat\u00ebr persona.<\/p>\n

Pas k\u00ebsaj, ai vrau kat\u00ebr persona t\u00eb tjer\u00eb dhe plagosi nj\u00eb person n\u00eb Bajice, dhe m\u00eb pas vrau dy f\u00ebmij\u00eb n\u00eb vendbanimin Humci dhe m\u00eb pas vrau motr\u00ebn e tij dhe nj\u00eb person tjet\u00ebr n\u00eb Donji Kraji.<\/p>\n

Mes t\u00eb vrar\u00ebve ishin tri gra dhe dy djem t\u00eb rinj.\/Vijesti.me<\/a>.<\/p>\n

02.01.2025 – 08:20<\/strong><\/p>\n

Ka shkuar n\u00eb dymb\u00ebdhjet\u00eb numri i personave q\u00eb jan\u00eb vrar\u00eb t\u00eb m\u00ebrkur\u00ebn pasdite m\u00eb 1 janar n\u00eb Cetinj\u00eb t\u00eb Malit t\u00eb Zi, nd\u00ebrkoh\u00eb q\u00eb kat\u00ebr persona jan\u00eb t\u00eb plagosur, ka njoftuar prokurorja Andrijana Nastiq pas ekspertiz\u00ebs.<\/p>\n

I dyshuari p\u00ebr k\u00ebt\u00eb vrasje t\u00eb shum\u00ebfisht\u00eb dhe plagosje, Aco Martinoviq, ka tentuar vet\u00ebvrasjen. Ai ka nd\u00ebrruar jet\u00eb gjat\u00eb transportit p\u00ebr n\u00eb spital.<\/p>\n

Vrasjet kan\u00eb ndodhur n\u00eb pes\u00eb lokacione t\u00eb ndryshme \u2013 n\u00eb lokacionin e par\u00eb dhe t\u00eb dyt\u00eb jan\u00eb vrar\u00eb kat\u00ebr persona, n\u00eb t\u00eb tretin dy f\u00ebmij\u00eb, nd\u00ebrsa n\u00eb lokacionin e kat\u00ebrt dhe t\u00eb pest\u00eb nga nj\u00eb person.<\/p>\n

Ministri i Pun\u00ebve t\u00eb Brendshme, Danillo Sharanoviq, tha n\u00eb nj\u00eb konferenc\u00eb t\u00eb jasht\u00ebzakonshme n\u00eb mesnat\u00eb se motivi i vrasjeve \u00ebsht\u00eb i panjohur, pasi viktimat ishin miq dhe kumbara t\u00eb Martinoviqit.<\/p>\n

Ai i vrau kat\u00ebr personat e par\u00eb n\u00eb nj\u00eb lokal, pas nj\u00eb z\u00ebnke q\u00eb kishte paraprir\u00eb nj\u00eb shoq\u00ebrim disaor\u00ebsh.<\/p>\n

Kat\u00ebr persona jan\u00eb d\u00ebrguar n\u00eb Qendr\u00ebn Klinike t\u00eb Podgoric\u00ebs n\u00eb gjendje kritike, sipas drejtorit t\u00eb k\u00ebtij institucioni Aleksandar Radoviq.<\/p>\n

Sipas deklarat\u00ebs s\u00eb Policis\u00eb, n\u00eb mesin e t\u00eb vrar\u00ebve jan\u00eb disa an\u00ebtar\u00eb t\u00eb familjes s\u00eb Martinoviqit.\/REL<\/a><\/p>\n

00:14-Vdes autori i dyshuar i vrasjeve n\u00eb Cetinj\u00eb<\/strong><\/p>\n

Personi q\u00eb dyshohet se \u00ebsht\u00eb autori i vrasjes s\u00eb disa personave n\u00eb Cetinj\u00eb, Aco Martinoviq, ka vdekur.<\/p>\n

K\u00ebshtu ka b\u00ebr\u00eb t\u00eb ditur ministri i Pun\u00ebve t\u00eb Brendshme t\u00eb Malit t\u00eb Zi, Danilo Sharanoviq, raporton rtcg.me<\/a>.<\/p>\n

Ministri tha se Martinoviq ka vdekur gjat\u00eb transportimit p\u00ebr n\u00eb Qendr\u00ebn Klinike n\u00eb Podgoric\u00eb.<\/p>\n

Sipas ministrit, i dyshuari kishte tentuar t\u00eb b\u00ebj\u00eb vet\u00ebvrasje.<\/p>\n

S\u00eb paku 10 persona jan\u00eb vrar\u00eb e disa jan\u00eb plagosur n\u00eb nj\u00eb incident q\u00eb ka ndodhur pasditen e dat\u00ebs 01.01.2025 n\u00eb Cetinj\u00eb t\u00eb Malit t\u00eb Zi.<\/p>\n

\"\"
Ilustrim: Naser Fejza<\/figcaption><\/figure>\n

23:54<\/strong><\/p>\n

Tragjedia n\u00eb Cetinj\u00eb, presidentja e Kosov\u00ebs solidarizohet me Malin e Zi dhe u shpreh ngush\u00ebllime familjeve t\u00eb viktimave<\/strong><\/p>\n

Presidentja e Kosov\u00ebs, Vjosa Osmani, ka ngush\u00eblluar popullin dhe Qeverin\u00eb e Malit t\u00eb Zi pas rastit tragjik q\u00eb ka ndodhur n\u00eb Cetinj\u00eb, ku nj\u00eb person ka vrar\u00eb s\u00eb paku 10 persona dhe ka plagosur disa t\u00eb tjer\u00eb.<\/p>\n

N\u00eb nj\u00eb postim n\u00eb rrjetin social \u201cX\u201d, presidentja Vjosa Osmani ka th\u00ebn\u00eb se solidarizohet me institucionet e Malit t\u00eb Zi dhe u shpreh ngush\u00ebllime familjeve q\u00eb kan\u00eb humbur m\u00eb t\u00eb dashurit e tyre nga t\u00eb sht\u00ebnat me arm\u00eb zjarri n\u00eb Cetinj\u00eb.<\/p>\n

\u201cMendimet e mia jan\u00eb me t\u00ebr\u00eb komunitetin q\u00eb vajton dhe po p\u00ebrballet me k\u00ebt\u00eb akt t\u00eb tmerrsh\u00ebm dhune q\u00eb ka marr\u00eb kaq shum\u00eb jet\u00eb” \u2013 ka theksuar presidentja.<\/p>\n

\n

During this difficult time for Montenegro, we stand in solidarity and extend our heartfelt condolences to the families who have lost their loved ones after the tragic shooting in Cetinje. My thoughts are with the entire community as they mourn and cope with this horrible act of\u2026<\/p>\n

\u2014 Vjosa Osmani (@VjosaOsmaniPRKS) January 1, 2025<\/a><\/p><\/blockquote>\n