{"id":3203083,"date":"2025-01-08T11:55:21","date_gmt":"2025-01-08T10:55:21","guid":{"rendered":"https:\/\/kallxo.com\/?p=3203083"},"modified":"2025-01-08T11:55:21","modified_gmt":"2025-01-08T10:55:21","slug":"mbyllja-e-institucionit-paralel-ne-mitrovice-te-veriut-lista-serbe-thote-se-kurti-po-ben-fushate","status":"publish","type":"post","link":"https:\/\/www.drakonispahiu.com\/?p=3203083","title":{"rendered":"Mbyllja e institucionit paralel n\u00eb Mitrovic\u00eb t\u00eb Veriut – Lista Serbe thot\u00eb se Kurti po b\u00ebn fushat\u00eb"},"content":{"rendered":"

Partia Lista Serbe ka reaguar<\/a> n\u00eb lidhje me mbylljen e institucionit paralel n\u00eb Mitrovic\u00ebn e Veriut.<\/p>\n

Mbylljen e objektit q\u00eb ka funksionuar si Zyr\u00eb Tatimore nga Serbia, k\u00ebta t\u00eb fundit e kan\u00eb cil\u00ebsuar si fushat\u00eb parazgjedhore t\u00eb kryeministrit t\u00eb Kosov\u00ebs, Albin Kurtit.<\/p>\n

\u201cMe mbylljen ilegale dhe t\u00eb dhunshme t\u00eb Administrat\u00ebs Tatimore n\u00eb Kosovska Mitrovica dhe hedhjen e 80 pun\u00ebtor\u00ebve serb\u00eb n\u00eb rrug\u00eb, Albin Kurti vazhdoi fushat\u00ebn parazgjedhore, t\u00eb cil\u00ebn e drejton ekskluzivisht mbi kurrizin e popullit serb, sepse nuk ka \u00e7ka t\u2019i ofroj\u00eb votuesve t\u00eb tij.\u201d – thuhet<\/a> n\u00eb njoftimin e List\u00ebs Serbe.<\/p>\n

P\u00ebr 80 pun\u00ebtor\u00ebt e \u201cAdministrat\u00ebs Tatimore\u201d, t\u00eb cil\u00ebt kan\u00eb mbetur pa pun\u00eb, partia n\u00eb fjal\u00eb thot\u00eb se do t\u00eb diskutojm\u00eb me ta p\u00ebr \u00e7do lloj ndihme. Gjithashtu, sipas tyre, do t\u2019ua p\u00ebrcjellin pun\u00ebtor\u00ebve mesazhin se asnj\u00ebri prej tyre nuk do t\u00eb mbetet pa t\u00eb ardhura.<\/p>\n

\u201cDerisa me forc\u00eb Kurti me nj\u00ebsit\u00eb e tij policore dhe ministra t\u00eb bindur si Nenad Rasiq okupon dhe rr\u00ebmben objektet serbe, nuk mund t\u00eb b\u00ebj\u00eb q\u00eb populli serb t\u00eb largohet nga vatrat shekullore dhe as t\u00eb na pengoj\u00eb neve dhe shtetin e Serbis\u00eb t\u00eb ndihmojm\u00eb popullin ton\u00eb.\u201d – thuhet tutje n\u00eb komunikat\u00ebn e k\u00ebsaj partie<\/p>\n

Policia e Kosov\u00ebs ka nd\u00ebrhyr\u00eb<\/a> n\u00eb nj\u00eb nd\u00ebrtes\u00eb n\u00eb Mitrovic\u00eb t\u00eb Veriut m\u00ebngjesin e s\u00eb m\u00ebrkur\u00ebs, m\u00eb 08.01.2025. P\u00ebr k\u00ebt\u00eb objekt KALLXO.com kishte raportuar n\u00eb n\u00ebntor t\u00eb vitit 2024, se i nj\u00ebjti funksiononte ilegalisht si Administrat\u00eb Tatimore.<\/p>\n

Rastin e ka konfirmuar p\u00ebr KALLXO.com z\u00ebvend\u00ebsdrejtori i Drejtoris\u00eb Rajonale Mitrovic\u00eb – Veri t\u00eb Policis\u00eb s\u00eb Kosov\u00ebs, Veton Elshani.<\/p>\n

Ai ka th\u00ebn\u00eb se objekti ka funksionuar si Zyr\u00eb Tatimore nga Serbia.<\/p>\n

\u201cRreth or\u00ebs 09:00 kemi hyr\u00eb n\u00eb k\u00ebt\u00eb nd\u00ebrtes\u00eb, e cila sipas informacioneve tona ka funksionuar si Zyr\u00eb Tatimore – si Deg\u00eb e Ministris\u00eb s\u00eb Financave t\u00eb Serbis\u00eb.\u201d – tha ai.<\/p>\n

KALLXO.com ka raportuar<\/a>, m\u00eb 01.11.2024, p\u00ebr d\u00ebshmit\u00eb p\u00ebr funksionimin e institucionit paralel ilegal n\u00eb Mitrovic\u00eb t\u00eb Veriut.<\/p>\n

Ekipi i KALLXO.com verifikoi m\u00eb 30.10.2024 se n\u00eb k\u00ebt\u00eb objekt paralel funksiononte e ashtuquajtura \u201cAdministrata Tatimore\u201d.<\/p>\n

KALLXO.com hyri brenda k\u00ebtij objekti paralel, ku kishte punonj\u00ebs dhe po funksiononte. P\u00ebr t\u00eb verifikuar \u00e7ka po ofrohet konkretisht, gazetar\u00ebt than\u00eb se \u201cpo u duhet certifikata e lindjes q\u00eb ta nxjerrin let\u00ebrnjoftimin e Serbis\u00eb\u201d.<\/p>\n

\u201cKy dokument duhet t\u00eb nxirret n\u00eb Komun\u00eb. Na jena \u2018Administrata Tatimore\u2019 k\u00ebtu zot\u00ebri.\u201d – ishte p\u00ebrgjigjja e punonj\u00ebsve.<\/p>\n

 <\/p>\n