{"id":3207112,"date":"2025-01-21T13:31:20","date_gmt":"2025-01-21T12:31:20","guid":{"rendered":"https:\/\/kallxo.com\/?p=3207112"},"modified":"2025-01-21T13:31:20","modified_gmt":"2025-01-21T12:31:20","slug":"ekspertiza-shkaktaret-qe-cuan-ne-rrezimin-e-kulmit-nga-ndertesa-e-komunes-se-prishtines","status":"publish","type":"post","link":"https:\/\/www.drakonispahiu.com\/?p=3207112","title":{"rendered":"Ekspertiza – Shkaktar\u00ebt q\u00eb \u00e7uan n\u00eb rr\u00ebzimin e kulmit nga nd\u00ebrtesa e Komun\u00ebs s\u00eb Prishtin\u00ebs"},"content":{"rendered":"

Aktakuza ndaj Ylber Jasharit – zyrtar i Komun\u00ebs dhe Bekim Baftijarajt, p\u00ebrgjegj\u00ebs i kompanis\u00eb \u201cNBT ING\u201d SH.P.K., p\u00ebr rastin e rr\u00ebzimit t\u00eb kulmit t\u00eb objektit t\u00eb Komun\u00ebs s\u00eb Prishtin\u00ebs p\u00ebrmban plot 23 prova materiale.<\/p>\n

Personi p\u00ebrgjegj\u00ebs i kompanis\u00eb, Bekim Baftijaraj akuzohet p\u00ebr vepr\u00ebn penale “Punime nd\u00ebrtimore te kund\u00ebrligjshme”- neni 360 paragrafi 3. Paragrafi tre i k\u00ebtij neni e specifikon se n\u00eb rastet kur nj\u00eb person ka p\u00ebsuar l\u00ebndime t\u00eb r\u00ebnda apo \u00ebsht\u00eb shkaktuar nj\u00eb d\u00ebm i konsideruar nga punimet nd\u00ebrtimor\u00eb t\u00eb kund\u00ebrligjshme, personi i akuzuar mund t\u00eb d\u00ebnohet me burgim nga 1 vit deri n\u00eb 8 vite.<\/p>\n

I akuzuari tjet\u00ebr p\u00ebr k\u00ebt\u00eb rast \u00ebsht\u00eb Ylber Jashari \u2013 zyrtar komunal, p\u00ebr vepr\u00ebn penale t\u00eb keqp\u00ebrdorimit t\u00eb pozit\u00ebs apo autoritetit zyrtar.<\/p>\n

N\u00eb prov\u00ebn e 23-t\u00eb listohet t\u00eb jet\u00eb prezantuar si prov\u00eb edhe Ekspertiza e nd\u00ebrtimtaris\u00eb, e cila \u00ebsht\u00eb p\u00ebrpiluar n\u00eb marsin e vitit 2024.<\/p>\n

Sipas konstatimit t\u00eb k\u00ebsaj Ekspertize jan\u00eb listuar shkaktar\u00ebt kryesor\u00eb p\u00ebr rr\u00ebzimin e kulmit t\u00eb objektit t\u00eb Komun\u00ebs s\u00eb Prishtin\u00ebs, ku kishte mbetur e l\u00ebnduar nj\u00eb vajz\u00eb dhe ishin shkaktuar d\u00ebme materiale te disa vetura.<\/p>\n

    \n
  1. Shkaktari kryesor i rr\u00ebzimit \u00ebsht\u00eb listuar punimi i dob\u00ebt, punimi joprofesional dhe jasht\u00eb standardeve t\u00eb nd\u00ebrtimit, sidomos jasht\u00eb standardeve t\u00eb EUROCOD5, q\u00eb kan\u00eb t\u00eb b\u00ebjn\u00eb me konstruksionet e drurit.<\/li>\n
  2. Tutje, si arsye p\u00ebr rr\u00ebzim t\u00eb kulmit sipas k\u00ebsaj Ekspertize \u00ebsht\u00eb listuar l\u00ebshimi profesional dhe procedural – duke filluar nga planifikimi, tenderimi, mbik\u00ebqyrja dhe pranimi teknik.<\/li>\n
  3. Tutje, n\u00eb Ekspertiz\u00eb, jan\u00eb listuar edhe devijimet substanciale n\u00eb pun\u00ebt e demolimeve dhe punimet e kulmit. K\u00ebto devijime – sipas Ekspertiz\u00ebs – ishin pranuar nga Mbik\u00ebqyr\u00ebsi i Menaxherit.<\/li>\n
  4. Si arsye tjet\u00ebr pse ka ndodhur rr\u00ebzimi i kulmit t\u00eb objektit t\u00eb Komun\u00ebs – sipas Ekspertiz\u00ebs s\u00eb nd\u00ebrtimtaris\u00eb – \u00ebsht\u00eb edhe kryerja e pun\u00ebve jasht\u00eb titullit t\u00eb Kontrat\u00ebs me urdh\u00ebr t\u00eb Drejtor\u00ebve.<\/li>\n<\/ol>\n

    M\u00eb\u00a018.01.2024<\/a>, nj\u00eb pjes\u00eb e kulmit t\u00eb objektit t\u00eb Komun\u00ebs s\u00eb Prishtin\u00ebs kishte r\u00ebn\u00eb nga objekti dhe kishte l\u00ebnduar nj\u00eb kalimtare<\/a> t\u00eb rastit – duke shkaktuar d\u00ebme t\u00eb tjera n\u00eb vetura.<\/p>\n

    “Jo, nuk jan\u00eb kryer.\u201d – ishte p\u00ebrgjigjur gjasht\u00eb her\u00eb personi p\u00ebrgjegj\u00ebs i kompanis\u00eb \u201cNBT ING\u201d SH.P.K., Bekim Baftijaraj, kur ishte pyetur nga Policia se p\u00ebrse nuk jan\u00eb zbatuar Pikat e caktuara t\u00eb Kontrat\u00ebs p\u00ebr renovimin e kulmit t\u00eb objektit t\u00eb Komun\u00ebs s\u00eb Prishtin\u00ebs.<\/p>\n

    Sipas Prokuroris\u00eb, disa Pika (Pika 2.2., 2.3., 5.1., 5.17., 5.13., 5.14.) t\u00eb Kontrat\u00ebs p\u00ebr kulmin e objektit t\u00eb Komun\u00ebs s\u00eb Prishtin\u00ebs nuk ishin kryer nga Kompania p\u00ebrgjegj\u00ebse.<\/p>\n

    https:\/\/kallxo.com\/lajm\/cka-kishin-deklaruar-ne-polici-dy-te-akuzuarit-per-renien-e-kulmit-te-komunes-se-prishtines\/<\/p>\n

    Kryeprokurori, Zejnullah Gashi n\u00eb nj\u00eb Konferenc\u00eb p\u00ebr media, m\u00eb 27.12.2024<\/a>, pati th\u00ebn\u00eb se personat e dyshuar kan\u00eb arritur marr\u00ebveshje p\u00ebr pranimin e faj\u00ebsis\u00eb me Prokurorin\u00eb, si dhe jan\u00eb dakorduar q\u00eb t\u00eb b\u00ebjn\u00eb kompensimin e d\u00ebnimit q\u00eb i \u00ebsht\u00eb shkaktuar buxhetit t\u00eb shtetit, n\u00eb vler\u00eb prej 36 mij\u00eb euro.<\/p>\n

    Sipas njoftimit t\u00eb Prokuroris\u00eb, i pandehuri Ylber Jashari akuzohet se n\u00eb cil\u00ebsin\u00eb e personit zyrtar, si Menaxher i Kontrat\u00ebs \u201cRikonstruimi i kulmit t\u00eb objektit t\u00eb Komun\u00ebs s\u00eb Re\u201d, n\u00eb vler\u00eb totale prej 386,096.20 euro me dashje direkte dhe me q\u00ebllim duke shfryt\u00ebzuar detyr\u00ebn apo autoritetin zyrtar ka vepruar n\u00eb m\u00ebnyr\u00eb t\u00eb kund\u00ebrligjshme t\u00eb p\u00ebrfitoj\u00eb dobi pasurore Kompania.<\/p>\n

    \u201cI pandehuri Y. J. akuzohet se n\u00eb cil\u00ebsin\u00eb e personit zyrtar, si Menaxher i Kontrat\u00ebs \u201cRikonstruimi i kulmit t\u00eb objektit t\u00eb Komun\u00ebs s\u00eb Re\u201d, n\u00eb vler\u00eb totale prej 386,096.20 euro – duke shfryt\u00ebzuar detyr\u00ebn apo autoritetin zyrtar ka vepruar n\u00eb at\u00eb m\u00ebnyr\u00eb q\u00eb me dashje direkte dhe me q\u00ebllim q\u00eb n\u00eb m\u00ebnyr\u00eb t\u00eb kund\u00ebrligjshme t\u00eb p\u00ebrfitoj\u00eb dobi pasurore Kompania, ka p\u00ebrpiluar Raport dhe ka pranuar se kinse jan\u00eb kryer punimet e kulmit t\u00eb nd\u00ebrtes\u00ebs s\u00eb Komun\u00ebs s\u00eb Re t\u00eb Prishtin\u00ebs. Edhe pse realisht aty nuk ishin b\u00ebr\u00eb punimet sipas Kontrat\u00ebs, n\u00eb pozicionet 2.2., 2.3., 5.1.5.13. dhe 5.14. – duke ia mund\u00ebsuar t\u00eb kryhen pagesat n\u00eb drejtim t\u00eb Kompanis\u00eb. N\u00eb k\u00ebt\u00eb m\u00ebnyr\u00eb \u00ebsht\u00eb d\u00ebmtuar buxheti i Republik\u00ebs s\u00eb Kosov\u00ebs, n\u00eb shum\u00ebn prej 36,450.29 euro, me \u00e7ka ka kryer vepr\u00ebn penale ‘keqp\u00ebrdorimi i pozit\u00ebs apo autoritetit zyrtar’.” – thuhet n\u00eb njoftimin e Prokuroris\u00eb Themelore n\u00eb Prishtin\u00eb.<\/p>\n

    Sipas njoftimit t\u00eb Prokuroris\u00eb, i pandehuri Bekim Baftjaraj akuzohet se n\u00eb cil\u00ebsin\u00eb e personit p\u00ebrgjegj\u00ebs t\u00eb Kompanis\u00eb, i cili ishte i ngarkuar n\u00eb kryerjen e punimeve t\u00eb mbik\u00ebqyrjes e kryerjes s\u00eb pun\u00ebve nd\u00ebrtimore dhe p\u00ebrfundimit t\u00eb pun\u00ebve nd\u00ebrtimore \u201cRikonstruimi i kulmit t\u00eb objektit t\u00eb Komun\u00ebs s\u00eb Re\u201d ka vepruar n\u00eb kund\u00ebrshtim me standardet profesionale, p\u00ebrgjith\u00ebsisht t\u00eb pranuara dhe n\u00eb kund\u00ebrshtim me kushtet e parapara n\u00eb Kontrat\u00eb.<\/p>\n

    \u201cNd\u00ebrkaq i pandehuri B. B. akuzohet se n\u00eb cil\u00ebsin\u00eb e personit p\u00ebrgjegj\u00ebs t\u00eb Kompanis\u00eb, i cili ishte i ngarkuar n\u00eb kryerjen e punimeve t\u00eb mbik\u00ebqyrjes e kryerjes s\u00eb pun\u00ebve nd\u00ebrtimore dhe p\u00ebrfundimit t\u00eb pun\u00ebve nd\u00ebrtimore \u201cRikonstruimi i kulmit t\u00eb objektit t\u00eb Komun\u00ebs s\u00eb Re\u201d ka vepruar n\u00eb kund\u00ebrshtim me standardet profesionale, p\u00ebrgjith\u00ebsisht t\u00eb pranuara dhe n\u00eb kund\u00ebrshtim me kushtet e parapara n\u00eb Kontrat\u00eb, p\u00ebr sanimin e kulmit t\u00eb nd\u00ebrtes\u00ebs ku gjat\u00eb ekzekutimit t\u00eb Kontrat\u00ebs ka kryer pun\u00eb tjera, e jo ato sikur n\u00eb pozicionet 2.2., 2.3, 5.1.5.13. dhe 5.14. t\u00eb Kontrat\u00ebs s\u00eb lartcekur, ku n\u00eb dit\u00ebn kritike p\u00ebr shkak t\u00eb kushteve atmosferike nga ndikimi i er\u00ebs nj\u00eb pjes\u00eb e kulmit t\u00eb nd\u00ebrtes\u00ebs s\u00eb Komun\u00ebs s\u00eb Re bie n\u00eb tok\u00eb, n\u00eb pjes\u00ebn e rrug\u00ebs, trotuarit dhe objektit p\u00ebrreth – duke l\u00ebnduar r\u00ebnd\u00eb t\u00eb d\u00ebmtuar\u00ebn E. U., n\u00eb k\u00ebt\u00eb m\u00ebnyr\u00eb \u00ebsht\u00eb d\u00ebmtuar buxheti i Republik\u00ebs s\u00eb Kosov\u00ebs n\u00eb shum\u00ebn prej 36,450.29 euro dhe jan\u00eb shkaktuar d\u00ebme materiale n\u00eb pes\u00eb veturat e parkuara p\u00ebrreth nd\u00ebrtes\u00ebs – me \u00e7ka ka kryer vepr\u00ebn penale ‘punimet nd\u00ebrtimore t\u00eb kund\u00ebrligjshme’.\u201d – thuhet, tutje, n\u00eb njoftimin e Prokuroris\u00eb Themelore n\u00eb Prishtin\u00eb.<\/p>\n

    Po ashtu, n\u00eb njoftimin e Prokuroris\u00eb \u00ebsht\u00eb b\u00ebr\u00eb e ditur se Prokurori i Shtetit dhe t\u00eb pandehurit kan\u00eb arritur Marr\u00ebveshje p\u00ebr pranimin e faj\u00ebsis\u00eb, si dhe me rastin e ngritjes s\u00eb Aktakuz\u00ebs i \u00ebsht\u00eb propozuar Gjykat\u00ebs q\u00eb t\u00eb pandehurit t\u00eb obligohen q\u00eb t\u00eb kompensojn\u00eb d\u00ebmin material, n\u00eb shum\u00ebn prej 36,450.29 euro, q\u00eb i \u00ebsht\u00eb shkaktuar buxhetit t\u00eb Republik\u00ebs s\u00eb Kosov\u00ebs, si dhe t\u00eb ngarkohen me shpenzimet e procedur\u00ebs penale.<\/p>\n

    Nj\u00eb qytetare\u00a0ishte l\u00ebnduar<\/a> e disa vetura ishin d\u00ebmtuar nga r\u00ebnia e nj\u00eb pjese t\u00eb kulmit t\u00eb objektit t\u00eb ri t\u00eb Komun\u00ebs s\u00eb Prishtin\u00ebs n\u00eb lagjen \u201cArb\u00ebria\u201d, n\u00eb Kryeqytet – nj\u00eb vit m\u00eb par\u00eb. N\u00eb vendin e ngjarjes kishin dal\u00eb menj\u00ebher\u00eb ekipe t\u00eb emergjenc\u00ebs, t\u00eb zjarrfik\u00ebsve, t\u00eb Policis\u00eb dhe t\u00eb Prokuroris\u00eb s\u00eb Prishtin\u00ebs. Edhe zyrtar\u00eb t\u00eb Komun\u00ebs dhe t\u00eb opozit\u00ebs lokale ishin par\u00eb n\u00eb vendin ku ndodhi rasti.<\/p>\n

    Raportimet tjera – LINK<\/a><\/main> <\/p>\n