{"id":3208576,"date":"2025-01-25T15:15:30","date_gmt":"2025-01-25T14:15:30","guid":{"rendered":"https:\/\/kallxo.com\/?p=3208576"},"modified":"2025-01-25T15:15:30","modified_gmt":"2025-01-25T14:15:30","slug":"dnv-ka-rritje-te-gjuhes-nxitese-apo-te-urrejtjes-ne-fushate-lvv-vazhdon-bojkotimin-e-disa-mediave","status":"publish","type":"post","link":"https:\/\/www.drakonispahiu.com\/?p=3208576","title":{"rendered":"DnV: Ka rritje t\u00eb gjuh\u00ebs nxit\u00ebse apo t\u00eb urrejtjes n\u00eb fushat\u00eb, LVV vazhdon bojkotimin e disa mediave"},"content":{"rendered":"

Rrjeti i organizatave joqeveritare, Demokracia n\u00eb Veprim (DnV), tha t\u00eb shtun\u00ebn se subjektet politike e kan\u00eb rritur p\u00ebrdorimin e gjuh\u00ebs nxit\u00ebse apo t\u00eb urrejtjes n\u00eb jav\u00ebn e dyt\u00eb t\u00eb fushat\u00ebs zgjedhore p\u00ebr zgjedhjet parlamentare t\u00eb 9 shkurtit. Nd\u00ebrkoh\u00eb, L\u00ebvizja Vet\u00ebvendosje ka vazhduar bojkotimin e shumic\u00ebs s\u00eb debateve televizive, sipas saj.<\/p>\n

N\u00eb nj\u00eb konferenc\u00eb p\u00ebr media, Violeta Haxholli nga kjo organizat\u00eb tha se 20 p\u00ebr qind e fushat\u00ebs, e cila nisi m\u00eb 11 janar, ka p\u00ebrmbajtur gjuh\u00eb t\u00eb till\u00eb deri tani.<\/p>\n

\u201cN\u00eb p\u00ebrgjith\u00ebsi, n\u00eb k\u00ebto dy jav\u00eb, k\u00ebt\u00eb gjuh\u00eb nxit\u00ebse apo t\u00eb urrejtjes e kemi hasur n\u00eb gjithsejt\u00eb 62 aktivitete, apo n\u00eb rreth 20 p\u00ebr qind t\u00eb numrit t\u00eb p\u00ebrgjithsh\u00ebm t\u00eb aktiviteteve t\u00eb subjekteve politike\u201d, tha ajo.<\/p>\n

L\u00ebvizja Vet\u00ebvendosje ka p\u00ebrdorur gjuh\u00eb nxit\u00ebse apo t\u00eb urrejtjes n\u00eb 25 p\u00ebr qind t\u00eb aktiviteteve t\u00eb saj zgjedhore, Lidhja Demokratike e Kosov\u00ebs n\u00eb 20 p\u00ebr qind, Koalicioni Aleanca p\u00ebr Ardhm\u00ebrin\u00eb e Kosov\u00ebs dhe NISMA n\u00eb 18 p\u00ebr qind, dhe Partia Demokratike e Kosov\u00ebs n\u00eb 11 p\u00ebr qind, sipas Haxhollit.<\/p>\n

\n
\"\"<\/span><\/a><\/p>\n
SHIKONI EDHE:<\/span><\/a><\/p>\n

Mij\u00ebra euro d\u00ebnime p\u00ebr shkeljen e Kodit t\u00eb Mir\u00ebsjelljes gjat\u00eb fushat\u00ebs<\/h4>\n<\/div>\n<\/div>\n<\/div>\n

DnV-ja ka v\u00ebrejtur edhe rritje t\u00eb madhe t\u00eb komenteve t\u00eb urrejtjes, posa\u00e7\u00ebrisht n\u00eb n\u00eb videot e shp\u00ebrndara nga fushata zgjedhore e partive politike, gjat\u00eb v\u00ebzhgimit t\u00eb hap\u00ebsir\u00ebs online.<\/p>\n

\u201cKemi v\u00ebrejtur rritje t\u00eb komenteve t\u00eb urrejtjes, ve\u00e7an\u00ebrisht n\u00eb videot q\u00eb shp\u00ebrndahen nga fushata. Nga monitorimi i portaleve kemi identifikuar 300.000 komente nga pal\u00ebt e treta. Kjo pasqyron gjuh\u00ebn e urrejtjes, teksa m\u00eb s\u00eb shumti jan\u00eb grat\u00eb q\u00eb kandidojn\u00eb p\u00ebr deputete q\u00eb jan\u00eb p\u00ebrballur me gjuh\u00eb t\u00eb till\u00eb\u201d, tha Rezarta Delibashzade Krasniqi nga DnV-ja.<\/p>\n

Paneli Zgjedhor p\u00ebr Ankesa dhe Parashtresa (PZAP) i ka shqiptuar disa gjoba ndaj disa subjekteve politike p\u00ebr shkelje t\u00eb Kodit t\u00eb Mir\u00ebsjelljes gjat\u00eb fushat\u00ebs p\u00ebr zgjedhjet e 9 shkurtit.<\/p>\n

Nd\u00ebrkoh\u00eb, Haxholli tha se nd\u00ebr zhvillimet kryesore t\u00eb fushat\u00ebs n\u00eb jav\u00ebn e dyt\u00eb \u00ebsht\u00eb \u201cvendimi i Qeveris\u00eb s\u00eb Serbis\u00eb p\u00ebr t\u2019i ndar\u00eb nga rreth 170 euro p\u00ebr afro 5.000 n\u00eb Kosov\u00eb. P\u00ebr vler\u00ebsimin ton\u00eb p\u00ebrb\u00ebn nd\u00ebrhyrje t\u00eb drejtp\u00ebrdrejt\u00eb n\u00eb procesin zgjedhor”.<\/p>\n

\u201cKjo paraqet p\u00ebrpjekje t\u00eb hapur p\u00ebr t\u00eb influencuar vullnetin qytetar t\u00eb komunitetit serb duke p\u00ebrdorur ndihm\u00ebn financiare si mjet p\u00ebr t\u00eb ndikuar n\u00eb p\u00ebrcaktimin e votuesve\u201d, tha ajo.<\/p>\n

M\u00eb 22 janar, Radio Evropa e Lir\u00eb raportoi p\u00ebr p\u00ebrpjekjet e shtetit t\u00eb Serbis\u00eb p\u00ebr t\u00eb organizuar votimin e personave t\u00eb zhvendosur nga Kosova, n\u00eb zgjedhjet e ardhshme parlamentare t\u00eb Kosov\u00ebs.<\/p>\n

\n
\"Nj\u00eb<\/span><\/a><\/p>\n
SHIKONI EDHE:<\/span><\/a><\/p>\n

Serbia \u201cmobilizohet\u201d p\u00ebr zgjedhjet n\u00eb Kosov\u00eb<\/h4>\n<\/div>\n<\/div>\n<\/div>\n

Pse LVV-ja po i bojkoton disa media?<\/strong><\/h3>\n

Bojkotimi i disa mediave nga partia n\u00eb pushtet, L\u00ebvizja Vet\u00ebvendosje shkon kund\u00ebr llogaridh\u00ebnies dhe transparenc\u00ebs, vler\u00ebsojn\u00eb njoh\u00ebsit e medias dhe organizatat q\u00eb monitorojn\u00eb fushat\u00ebn zgjedhore.<\/p>\n

L\u00ebvizja Vet\u00ebvendosje (LVV) e kryeministrit Albin Kurti, i cili qeveris\u00eb q\u00eb kat\u00ebr vjet me Kosov\u00ebn, \u00ebsht\u00eb p\u00ebrballur me thirrje nga organizatat joqeveritare nd\u00ebrkomb\u00ebtare e vendore, q\u00eb t\u00eb heq\u00eb dor\u00eb nga bojkotimi i disa mediave t\u00eb caktuara.<\/p>\n

M\u00eb 10 janar, 13 organizata joqeveritare nd\u00ebrkomb\u00ebtare e vendore, q\u00eb merren me lirin\u00eb e medias, ia b\u00ebn\u00eb k\u00ebt\u00eb thirrje Kurtit dhe LVV-s\u00eb p\u00ebrmes nj\u00eb letre t\u00eb hapur.<\/p>\n

\n
\"Gazetar\u00ebt<\/span><\/a><\/p>\n
SHIKONI EDHE:<\/span><\/a><\/p>\n

Organizatat nd\u00ebrkomb\u00ebtare b\u00ebjn\u00eb thirrje q\u00eb LVV-ja t\u00eb mos i bojkotoj\u00eb disa media<\/h4>\n<\/div>\n<\/div>\n<\/div>\n

Sekretari organizativ i LVV-s\u00eb, Alim Rama, iu p\u00ebrgjigj letr\u00ebs shtat\u00eb dit\u00eb m\u00eb von\u00eb, duke th\u00ebn\u00eb se partia e tij nuk po bojkoton mediat, po ka marr\u00eb vendim q\u00eb t\u00eb \u201cp\u00ebrjashtoj\u00eb\u201d tre kanale specifike dhe nj\u00eb vendim i till\u00eb \u201cnuk cenon peizazhin e pasur dhe t\u00eb larmish\u00ebm mediatik t\u00eb Kosov\u00ebs\u201d.<\/p>\n

L\u00ebvizja Vet\u00ebvendosje nuk ka p\u00ebrmendur me emra se cilat kanale i ka “p\u00ebrjashtuar. Por, n\u00eb reagimet e m\u00ebhershme t\u00eb organizatave q\u00eb merren me mediat \u00ebsht\u00eb th\u00ebn\u00eb se b\u00ebhet fjal\u00eb p\u00ebr disa nga televizionet e m\u00ebdha n\u00eb vend, sikurse Klan Kosova, TV Dukagjini dhe T7.<\/p>\n

Profesori i gazetaris\u00eb n\u00eb Universitetin e Prishtin\u00ebs, Alban Zeneli, thot\u00eb p\u00ebr Radion Evropa e Lir\u00eb se me k\u00ebt\u00eb vendim, LVV-ja ka tentuar q\u00eb t\u2019i vendos\u00eb k\u00ebto media, q\u00eb kan\u00eb kritikuar qeverisjen kat\u00ebrvje\u00e7are t\u00eb Kurtit, n\u00eb an\u00ebn e kund\u00ebrshtar\u00ebve politik\u00eb, duke synuar q\u00eb t\u2019i paraqes\u00eb si \u201csh\u00ebrbyes\u201d t\u00eb partive opozitare.<\/p>\n

Por, Zeneli thot\u00eb se mediat jan\u00eb kritike ndaj secilit pushtet, edhe ndaj opozit\u00ebs.<\/p>\n

\u201cNga ana e L\u00ebvizjes Vet\u00ebvendosje kjo mund t\u00eb jet\u00eb nj\u00eb strategji fushate dhe n\u00eb k\u00ebt\u00eb pik\u00ebpamje mund t\u00eb kuptohet, por jo t\u00eb mir\u00ebkuptohet me faktin se llogaridh\u00ebnia dhe transparenca si dy kriteret kryesore t\u00eb demokracis\u00eb, jan\u00eb elementet kryesore t\u00eb nj\u00eb qeverisje t\u00eb mir\u00eb. Pra, nuk \u00ebsht\u00eb se duke p\u00ebrjashtuar media nuk e plot\u00ebson kriterin e kritik\u00ebs dhe kontrollit dhe nuk e plot\u00ebson kriterin e transparenc\u00ebs dhe llogaridh\u00ebnies\u201d, thot\u00eb ai.<\/p>\n

Kritike ndaj vendimit t\u00eb partis\u00eb n\u00eb pushtet q\u00eb gjat\u00eb fushat\u00ebs zgjedhore \u2013 q\u00eb ka nisur m\u00eb 11 janar \u2013 t\u00eb p\u00ebrjashtoj\u00eb media t\u00eb caktuara, shprehet edhe Viona Bunjaku nga L\u00ebvizja FOL, organizat\u00eb q\u00eb b\u00ebn\u00eb pjes\u00eb n\u00eb koalicionin Demokracia n\u00eb Veprim, q\u00eb monitoron fushat\u00ebn dhe procesin zgjedhor.<\/p>\n

 <\/p>\n

\n
\"Gazetar\u00ebt<\/span><\/a><\/p>\n
SHIKONI EDHE:<\/span><\/a><\/p>\n

Paralajm\u00ebrimi p\u00ebr bojkot t\u00eb disa mediave nga LVV-ja shihet si sulm ndaj gazetar\u00ebve<\/h4>\n<\/div>\n<\/div>\n<\/div>\n

Edhe Bunjaku vler\u00ebson se ky vendim i partis\u00eb n\u00eb pushtet shkon kund\u00ebr transparenc\u00ebs dhe llogaridh\u00ebnies.<\/p>\n

\u201cGjithashtu, kjo \u00ebsht\u00eb nj\u00eb p\u00ebrpjekje tjet\u00ebr p\u00ebr t\u00eb minuar rolin e mediave dhe gazetar\u00ebve n\u00eb p\u00ebrgjith\u00ebsi. Normalisht q\u00eb kjo qasje e LVV-s\u00eb nuk p\u00ebrkon as me demokracin\u00eb e vendit ton\u00eb\u201d, thot\u00eb Bunjaku p\u00ebr Radion Evropa e Lir\u00eb.<\/p>\n

Nd\u00ebrkaq, k\u00ebshilltarja ligjore n\u00eb Qendr\u00ebn Evropiane p\u00ebr Liri t\u00eb Shtypit dhe Medias, Flutura Kusari, deklaroi m\u00eb her\u00ebt p\u00ebr REL-in se bojkotimi i disa mediave nga LVV-ja p\u00ebrb\u00ebn sulm p\u00ebr mediat dhe ndaj t\u00eb drejt\u00ebs s\u00eb informimit, duke theksuar se do t\u00eb ishte mir\u00eb q\u00eb partia n\u00eb pushtet t\u00eb rishqyrtonte k\u00ebt\u00eb vendim.<\/p>\n

Partia e Kurtit ka th\u00ebn\u00eb se tre kanalet televizive, q\u00eb ka vendosur q\u00eb t’i “p\u00ebrjashtoj\u00eb” kan\u00eb raportime \u201ct\u00eb nj\u00ebanshme\u201d dhe \u201cjoobjektive\u201d.<\/p>\n

K\u00ebto media, sipas LVV-s\u00eb, \u201cnuk ofrojn\u00eb nj\u00eb platform\u00eb t\u00eb drejt\u00eb p\u00ebr partin\u00eb ton\u00eb q\u00eb t\u00eb paraqes\u00eb planet dhe objektivat e saj zgjedhore\u201d.<\/p>\n

<\/div>\n
\n
\n