{"id":3209600,"date":"2025-01-30T13:50:59","date_gmt":"2025-01-30T12:50:59","guid":{"rendered":"https:\/\/kallxo.com\/?p=3209600"},"modified":"2025-01-30T13:50:59","modified_gmt":"2025-01-30T12:50:59","slug":"drone-helikoptere-e-mbrojtje-te-mencur-planet-e-partive-per-sektorin-e-sigurise-dhe-mbrojtjes","status":"publish","type":"post","link":"https:\/\/www.drakonispahiu.com\/?p=3209600","title":{"rendered":"Dron\u00eb, helikopter\u00eb e \u201cmbrojtje t\u00eb men\u00e7ur\u201d: Planet e partive p\u00ebr sektorin e Siguris\u00eb dhe Mbrojtjes"},"content":{"rendered":"

Dron\u00eb e antidron\u00eb, helikopter\u00eb e municione, ngritje kazermash e “mbrojtje t\u00eb men\u00e7ur”, trajnime, digjitalizim e Vetting. Kush m\u00eb shum\u00eb e kush m\u00eb pak, secila prej partive dhe secili Koalicion q\u00eb garon n\u00eb Zgjedhjet e 9 shkurtit 2025, premton investime n\u00eb fush\u00ebn e Siguris\u00eb dhe Mbrojtjes.<\/em><\/p>\n

Gjat\u00eb fushat\u00ebs zgjedhore q\u00eb ka filluar m\u00eb 11.01.2025, L\u00ebvizja Vet\u00ebvendosje<\/a> e cila po synon t\u00eb fitoj\u00eb Zgjedhjet dhe ta mbaj\u00eb pushtetin edhe p\u00ebr nj\u00eb mandat kat\u00ebrvjecar ka premtuar p\u00ebr Policin\u00eb dhe institucionet e Siguris\u00eb pajisje t\u00eb specializuara dhe bashk\u00ebkohore, armatim adekuat, si dhe shkollim dhe trajnim t\u00eb duhur.<\/p>\n

\u201cDo t\u00eb avancojm\u00eb Nj\u00ebsin\u00eb e Dron\u00ebve dhe Antidron\u00ebve p\u00ebr t\u00eb forcuar mbik\u00ebqyrjen dhe gatishm\u00ebrin\u00eb p\u00ebr t\u2019u p\u00ebrballur me format e reja t\u00eb rreziqeve t\u00eb siguris\u00eb – duke ndihmuar n\u00eb hetime, mbrojtje dhe mbik\u00ebqyrje t\u00eb kufirit, si dhe n\u00eb rritjen e siguris\u00eb publike n\u00eb p\u00ebrgjith\u00ebsi.\u201d – thuhet n\u00eb Programin e k\u00ebsaj partie.<\/p>\n

Kufijt\u00eb sipas LVV-s\u00eb do t\u00eb jen\u00eb t\u00eb sigurt dhe do t\u00eb menaxhohen me teknologjit\u00eb m\u00eb t\u00eb avancuara. Qendra Komb\u00ebtare p\u00ebr Menaxhimin e Kufirit thuhet se do t\u00eb modernizohet p\u00ebr t\u00eb garantuar siguri dhe p\u00ebr t\u00eb leht\u00ebsuar qarkullimin e mallrave dhe njer\u00ebzve e p\u00ebr t\u00eb parandaluar aktivitetet kriminale.<\/p>\n

P\u00ebr t\u2019i p\u00ebrmbushur objektivat n\u00eb k\u00ebt\u00eb sektor, LVV premton nj\u00eb buxhet prej mbi 1 miliard eurosh n\u00eb kat\u00ebr vjet\u00ebt e ardhshme p\u00ebr Ushtrin\u00eb.<\/p>\n

Kjo parti zotohet edhe p\u00ebr funksionalizimin e Fabrik\u00ebs s\u00eb Municioneve dhe zhvillimin e industris\u00eb ushtarake t\u00eb Kosov\u00ebs.<\/p>\n

Dron\u00ebt ushtarak\u00eb \u2018Made in Kosova\u2019 jan\u00eb premtim tjet\u00ebr i LVV-s\u00eb.<\/p>\n

1 mij\u00eb gra e vajza synohen q\u00eb t\u00eb rekrutohen si ushtarake.<\/p>\n

Nj\u00eb Nj\u00ebsi e P\u00ebrbashk\u00ebt me Forcat Ushtarake t\u00eb Shqip\u00ebris\u00eb \u00ebsht\u00eb synim tjet\u00ebr i k\u00ebsaj partie, e cila po ashtu synon fuqizimin e Ushtris\u00eb me blerje t\u00eb armatimit, st\u00ebrvitjes dhe edukimit brenda vendit n\u00eb bashk\u00ebpunim me vendet partnere.<\/p>\n

Programi i Mbrojtjes Gjith\u00ebp\u00ebrfshir\u00ebse do t\u00eb zbatohet sipas tyre n\u00eb t\u00ebr\u00eb vendin, si dhe rezervist\u00ebt do t\u00eb ken\u00eb armatim dhe trajnim adekuat n\u00eb rast t\u00eb mobilizimit.<\/p>\n

Zotimet p\u00ebr digjitalizim t\u00eb sektorit t\u00eb Siguris\u00eb <\/strong><\/p>\n

Partia Demokratike e Kosov\u00ebs<\/a> e cila n\u00eb k\u00ebto Zgjedhje garon me Bedri Hamz\u00ebn si kandidat p\u00ebr Kryeminist\u00ebr premton nj\u00eb korniz\u00eb gjith\u00ebp\u00ebrfshir\u00ebse sigurie, q\u00eb integron mbrojtjen komb\u00ebtare, sigurin\u00eb publike dhe parimet e siguris\u00eb njer\u00ebzore.<\/p>\n

\u201cDuke p\u00ebrqafuar teknologjit\u00eb m\u00eb t\u00eb fundit dhe strategjit\u00eb vizionare, ne do t\u2019i adresojm\u00eb k\u00ebrc\u00ebnimet dhe sfidat e reja me masa inovative dhe adaptive q\u00eb garantojn\u00eb sigurin\u00eb dhe prosperitetin e t\u00eb gjith\u00eb qytetar\u00ebve. Do ta digjitalizojm\u00eb mbar\u00eb sektorin e Siguris\u00eb komb\u00ebtare dhe Mbrojtjes – duke integruar edhe Inteligjenc\u00ebn Artificiale p\u00ebr t\u2019i rritur kapacitetet p\u00ebr vler\u00ebsimin e k\u00ebrc\u00ebnimeve n\u00eb koh\u00eb reale dhe planifikimin efikas.\u201d – thuhet n\u00eb mes t\u00eb tjerash n\u00eb Programin zgjedhor t\u00eb k\u00ebsaj partie.<\/p>\n

P\u00ebr planet e PDK-s\u00eb p\u00ebr investime n\u00eb Siguri dhe Mbrojtje ka folur n\u00eb \u201cDebat P\u00ebrnime\u201d Besa Kabashi-Ramaj.<\/a><\/p>\n

\u201cNe e parashohim q\u00eb p\u00ebr ngritje t\u00eb nivelit t\u00eb mbrojtjes nga k\u00ebrc\u00ebnimet e jashtme dhe t\u00eb brendshme t\u00eb krijojm\u00eb pes\u00eb Regjimente, si\u00e7 kemi planifikuar me partner\u00ebt tan\u00eb strategjik\u00eb SHBA-n\u00eb dhe NATO-n.\u201d – ka th\u00ebn\u00eb ajo.<\/p>\n

N\u00eb lidhje me emergjencat civile, Kabashi-Ramaj ka th\u00ebn\u00eb se PDK parasheh edhe ngritjen e Nj\u00ebsitit t\u00eb Helikopter\u00ebve.<\/p>\n

PDK premton po ashtu investime dhe modernizime n\u00eb infrastruktur\u00ebn ushtarake, si dhe ngritjen e Gard\u00ebs Komb\u00ebtare me strukturat e parapara dhe sigurimin e gatishm\u00ebris\u00eb s\u00eb tyre.<\/p>\n

\u201cGarda Komb\u00ebtare do t\u00eb rrit\u00eb gatishm\u00ebrin\u00eb civile t\u00eb Kosov\u00ebs, duke bashkuar sektor\u00ebt ushtarak\u00eb dhe civil\u00eb p\u00ebr t\u2019iu p\u00ebrgjigjur m\u00eb mir\u00eb k\u00ebrc\u00ebnimeve t\u00eb jashtme dhe emergjencave t\u00eb brendshme.\u201d – thuhet tutje n\u00eb k\u00ebt\u00eb Program.<\/p>\n

Sigurim t\u00eb plot\u00eb sh\u00ebndet\u00ebsor dhe jet\u00ebsor p\u00ebr an\u00ebtar\u00ebt e Forc\u00ebs s\u00eb Siguris\u00eb s\u00eb Kosov\u00ebs, Policis\u00eb, AKI-s\u00eb dhe zjarrfik\u00ebsve \u00ebsht\u00eb zotimi tjet\u00ebr i dh\u00ebn\u00eb nga PDK.<\/p>\n

\u201cDo ta rrisim sigurin\u00eb publike, duke ristrukturuar Policin\u00eb bazuar n\u00eb t\u00eb dh\u00ebnat e popullsis\u00eb dhe krimit, si dhe duke investuar n\u00eb iniciativa p\u00ebr ngritjen e kapaciteteve. N\u00ebp\u00ebrmjet policimit n\u00eb komunitet do t\u00eb nd\u00ebrtojm\u00eb besim dhe do ta nxisim nd\u00ebrveprimin e rregullt midis Policis\u00eb dhe komuniteteve – duke inkurajuar bashk\u00ebpunimin dhe shk\u00ebmbimin e informacionit.\u201d – premton PDK-ja.<\/p>\n

\u201cMbrojtja e men\u00e7ur\u201d <\/strong><\/p>\n

Lidhja Demokratike e Kosov\u00ebs<\/a> n\u00eb an\u00ebn tjet\u00ebr synon rritjen e partneritetit me NATO-n.<\/p>\n

Buxhetin p\u00ebr Ushtrin\u00eb e Kosov\u00ebs LDK e planifikon p\u00ebrmes rritjes s\u00eb tij n\u00eb 2% t\u00eb Bruto Produktit Vendor.<\/p>\n

Kjo parti planifikon edhe ristrukturimin e Forc\u00ebs s\u00eb Siguris\u00eb s\u00eb Kosov\u00ebs.<\/p>\n

\u201cP\u00ebrb\u00ebrja e Forc\u00ebs n\u00eb planin ton\u00eb parashihet t\u00eb jet\u00eb me 6000 pjes\u00ebtar\u00eb aktiv\u00eb (sot jan\u00eb 4000 sosh), 3000 rezerv\u00eb aktive dhe 20000 rezerv\u00eb e p\u00ebrgjithshme.\u201d – thuhet n\u00eb Programin zgjedhor t\u00eb LDK-s\u00eb.<\/p>\n

N\u00eb kuad\u00ebr t\u00eb k\u00ebtij Programi parashihet edhe edukimi dhe st\u00ebrvitja e nx\u00ebn\u00ebsve t\u00eb Shkollave t\u00eb Mesme n\u00eb fush\u00ebn e Mbrojtjes.<\/p>\n

LDK premton nd\u00ebrtimin e kat\u00ebr kazermave ushtarake p\u00ebr FSK-n\u00eb.<\/p>\n

\u201cDo t\u00eb riorganizohen Kazermat aktuale, duke ia p\u00ebrshtatur misionit t\u00eb FSK-s\u00eb dhe do t\u00eb rrisim numrin e Kazermave p\u00ebr 4 sosh n\u00eb regjione t\u00eb ndryshme t\u00eb Kosov\u00ebs. N\u00eb Prizren (ish-Kazerma e kontingjentit Gjerman t\u00eb KFOR-it); n\u00eb Gjinoc t\u00eb Suharek\u00ebs (Kazerma aktuale e KFOR-it); n\u00eb Gjakov\u00eb (Aeroporti i Gjakov\u00ebs) dhe n\u00eb Podujev\u00eb. Shuma e gjithmbarshme e investimeve n\u00eb k\u00ebt\u00eb projekt, pra n\u00eb p\u00ebrdit\u00ebsimin e Kazermave t\u00eb tanishme dhe n\u00eb nd\u00ebrtimin e 4 Kazermave t\u00eb reja do t\u00eb jet\u00eb rreth 60 milion\u00eb euro.\u201d – premton LDK.<\/p>\n

Krahas k\u00ebsaj LDK planifikon edhe nd\u00ebrtim t\u00eb vendbanimeve p\u00ebr personelin ushtarak – duke nd\u00ebrtuar lagje ushtarake, q\u00eb do t\u00eb jet\u00eb n\u00eb sh\u00ebrbim t\u00eb personelit ushtarak dhe familjeve t\u00eb tyre.<\/p>\n

LDK parasheh Programe q\u00eb pas pensionimit t\u00eb pjes\u00ebtar\u00ebve t\u00eb FSK-s\u00eb, ata t\u00eb integrohen n\u00eb jet\u00ebn civile.<\/p>\n

\u201cK\u00ebt\u00eb do ta arrij\u00eb p\u00ebrmes: a) profilizimit dhe trajnimit t\u00eb pjes\u00ebtar\u00ebve t\u00eb FSK-s\u00eb n\u00eb fusha t\u00eb ve\u00e7anta dhe zhvillimin e tyre n\u00eb fushat respektive gjat\u00eb karrier\u00ebs ushtarake; b) ndryshimet ligjore q\u00eb u mund\u00ebsojn\u00eb pjes\u00ebtar\u00ebve t\u00eb FSK-s\u00eb angazhimin n\u00eb t\u00eb gjitha fushat e jet\u00ebs publike – p\u00ebrfshir\u00eb edhe n\u00eb FSK-n\u00eb (si civil), e sidomos n\u00eb fush\u00ebn akademike dhe doktrinore edhe pas pensionimit.\u201d – thuhet tutje n\u00eb Programin e LDK-s\u00eb.<\/p>\n

Kjo parti parasheh edhe konceptin “Smart Defence” q\u00eb parasheh ndihm\u00eb reciproke n\u00eb mes t\u00eb aleat\u00ebve dhe partner\u00ebve n\u00eb shum\u00eb drejtime t\u00eb fush\u00ebs s\u00eb Siguris\u00eb dhe Mbrojtjes.<\/p>\n

\u201cN\u00eb marr\u00ebveshje me fqinj\u00ebt e me shtetet mike do t\u00eb zhvillojm\u00eb projekte \u2018Smart Defence\u2019. Me Shqip\u00ebrin\u00eb mundet me u arrit Marr\u00ebveshja q\u00eb certifikimi i pilot\u00ebve p\u00ebr helikopter\u00eb t\u00eb b\u00ebhet n\u00eb Qendr\u00ebn e saj simulative. Kurse, mir\u00ebmbajtja e automjeteve taktike t\u00eb prodhimit t\u00eb Shteteve t\u00eb Bashkuara t\u00eb Amerik\u00ebs t\u00eb b\u00ebhet n\u00eb Kosov\u00eb. Me Malin e Zi, Maqedonin\u00eb e Veriut, me Kroacin\u00eb munden me u arrit\u00eb Marr\u00ebveshje t\u00eb p\u00ebrbashk\u00ebta p\u00ebr kontrollin e hap\u00ebsir\u00ebs ajrore.\u201d – ka th\u00ebn\u00eb Anton Quni n\u00eb \u201cDebat P\u00ebrnime\u201d<\/a>.<\/p>\n

LDK parasheh edhe ngritjen e kapaciteteve p\u00ebr operacione nd\u00ebrkomb\u00ebtare – duke krijuar nj\u00eb Nj\u00ebsi Batalion t\u00eb kombinuar p\u00ebr k\u00ebto operacione. Kjo Nj\u00ebsi pritet t\u00eb ket\u00eb jet\u00ebgjat\u00ebsi 4-vje\u00e7are, me rotacion. Ky aktivitet sipas LDK-s\u00eb ka vler\u00ebsim fillestar prej rreth 12 milion\u00eb eurosh.<\/p>\n

\u201cDirekt n\u00eb NATO\u201d<\/strong><\/p>\n

Koalicioni AAK-NISMA-Intelektual\u00ebt-Konservator\u00ebt si premtim kryesor p\u00ebr mbrojtjen e kan\u00eb an\u00ebtar\u00ebsimin direkt n\u00eb NATO.<\/p>\n

Ky an\u00ebtar\u00ebsim pritet t\u00eb b\u00ebhet p\u00ebrmes tri aspekteve kryesore: atij politik, ushtarak dhe ekonomik.<\/p>\n

\u201cPolitik: Forcimi i marr\u00ebdh\u00ebnieve me institucionet euroatlantike; p\u00ebrmbushja e obligimeve n\u00eb Dialog; konsolidimi i demokracis\u00eb n\u00eb Kosov\u00eb; p\u00ebrmir\u00ebsimi i marr\u00ebdh\u00ebnieve me fqinj\u00ebt. Ushtarak: Ngritja e kapaciteteve luftarake t\u00eb Ushtris\u00eb s\u00eb Kosov\u00ebs; zhvillimi i industris\u00eb mbrojt\u00ebse; prodhimi i municioneve dhe pajisjeve t\u00eb tjera ushtarake; p\u00ebrmir\u00ebsimi i infrastruktur\u00ebs ushtarake dhe mbrojt\u00ebse civile; rritja e kontributit t\u00eb Kosov\u00ebs n\u00eb angazhimet e NATO-s. Ekonomik: Aktivizimi i resurseve t\u00eb Kosov\u00ebs p\u00ebr partneritet ekonomik me vendet e Aleanc\u00ebs.\u201d – thuhet mes t\u00eb tjerash n\u00eb Programin e k\u00ebtij Koalicioni.<\/p>\n

Sipas k\u00ebtij Koalicioni an\u00ebtar\u00ebsimi do t\u00eb sjell\u00eb edhe zhvillim ekonomik, duke rritur vler\u00ebn e resurseve dhe potencialeve t\u00eb vendit, si dhe do t\u00eb inkurajoj\u00eb investitor\u00ebt e brendsh\u00ebm dhe t\u00eb jasht\u00ebm.<\/p>\n

\u201cNe e kemi n\u00eb Programin ton\u00eb edhe sloganin i cili \u00ebsht\u00eb \u2018Direkt n\u00eb NATO\u2019. Dhe, q\u00ebllimisht e kemi b\u00ebr\u00eb k\u00ebt\u00eb, sepse konsiderojm\u00eb q\u00eb pa siguri nuk ka asnj\u00eb zhvillim tjet\u00ebr, q\u00eb mund t\u00eb jet\u00eb efikas p\u00ebr qytetar\u00ebt e Kosov\u00ebs dhe p\u00ebr vendin ton\u00eb.\u201d – ka th\u00ebn\u00eb n\u00eb \u201cDebat P\u00ebrnime\u201d, kandidati p\u00ebr Deputet nga AAK-ja, Ahmet Isufi<\/a>.<\/p>\n

Koalicioni p\u00ebr Familjen n\u00eb an\u00ebn tjet\u00ebr premton modernizimin e institucioneve t\u00eb Siguris\u00eb, forcimin e bashk\u00ebpunimit nd\u00ebrinstitucional dhe nd\u00ebrkomb\u00ebtar, si dhe p\u00ebrmir\u00ebsimin e kushteve t\u00eb jetes\u00ebs dhe pun\u00ebs p\u00ebr t\u00eb gjith\u00eb ata q\u00eb kontribuojn\u00eb n\u00eb fush\u00ebn e Siguris\u00eb.<\/p>\n

Ky Koalicion thot\u00eb se fokus do t\u00eb ket\u00eb n\u00eb intensifikimin e bashk\u00ebpunimit mes institucioneve t\u00eb Siguris\u00eb p\u00ebr t\u00eb rritur kapacitetet e tyre.<\/p>\n

\u201cMbik\u00ebqyrja, nd\u00ebrkaq, do t\u00eb jet\u00eb sistematike dhe rigoroze, duke iu dh\u00ebn\u00eb p\u00ebrpar\u00ebsi trajnimeve t\u00eb rregullta e t\u00eb avancuara, p\u00ebrmes bashk\u00ebpunimit e binjak\u00ebzimit me forcat policore dhe institucione t\u00eb tjera t\u00eb Siguris\u00eb t\u00eb shteteve t\u00eb zhvilluara, q\u00eb kan\u00eb standarde t\u00eb larta dhe praktika t\u00eb suksesshme.\u201d – thuhet mes t\u00eb tjerash n\u00eb Programin e k\u00ebtij Koalicioni.<\/p>\n

Reformimi i Policis\u00eb<\/strong><\/p>\n

Koalicioni p\u00ebr Familjen premton edhe reformimin e Policis\u00eb s\u00eb Kosov\u00ebs.<\/p>\n

\u201cReforma n\u00eb Policin\u00eb e Kosov\u00ebs do t\u00eb filloj\u00eb prej Vetting-ut, p\u00ebrkat\u00ebsisht hetimit t\u00eb s\u00eb kaluar\u00ebs p\u00ebr t\u00eb gjith\u00eb pa p\u00ebrjashtim. Sipas Ligjit dihet se cilat pozita duhet t\u2019i n\u00ebnshtrohen k\u00ebtij procesi. Dhe, n\u00eb t\u00eb nj\u00ebjt\u00ebn koh\u00eb, sigurimi jet\u00ebsor. Ligji \u00ebsht\u00eb n\u00eb proces, andaj edhe k\u00ebt\u00eb \u00e7\u00ebshtje do ta adresojm\u00eb dhe do angazhohemi q\u00eb ky Ligj t\u00eb kaloj\u00eb.\u201d – ka deklaruar n\u00eb \u201cDebat P\u00ebrnime\u201d kandidati p\u00ebr Deputet nga Koalicioni p\u00ebr Familjen, Bejtush Gashi<\/a>.<\/p>\n

Programi i k\u00ebtij Koalicioni sa i p\u00ebrket Policis\u00eb p\u00ebrfshin rritjen e pagave, p\u00ebrmir\u00ebsimin e kushteve t\u00eb pun\u00ebs, digjitalizimin e sh\u00ebrbimeve dhe zhvillimin e strukturave organizative p\u00ebr nj\u00eb reagim m\u00eb t\u00eb shpejt\u00eb dhe efikas.<\/p>\n

FSK-ja sipas Koalicionit p\u00ebr Familjen po ashtu do t\u00eb transformohet p\u00ebrmes trajnimeve dhe investimeve n\u00eb pajisje dhe n\u00eb infrastruktur\u00eb.<\/p>\n

Gjithashtu parashihet rritja e integritetit t\u00eb Agjencis\u00eb Kosovare t\u00eb Inteligjenc\u00ebs. Kjo p\u00ebrmes garantimit t\u00eb buxhetit dhe zhvillimit t\u00eb kapaciteteve teknologjike p\u00ebr t\u00eb luftuar k\u00ebrc\u00ebnimet kibernetike e terroriste.<\/p>\n

Tutje, ky Koalicion parasheh edhe zhvillimin e industris\u00eb private t\u00eb Siguris\u00eb.<\/p>\n

\u201cKjo do t\u00eb p\u00ebrfshij\u00eb licensimin e Kompanive t\u00eb Siguris\u00eb private dhe krijimin e kuadrit ligjor q\u00eb do t\u00eb siguroj\u00eb q\u00eb k\u00ebto Kompani t\u00eb operojn\u00eb n\u00eb p\u00ebrputhje me standardet etike e profesionale.\u201d – thuhet tutje.<\/p>\n

Koalicioni p\u00ebr Familjen parasheh edhe krijimin e ekipeve t\u00eb specializuara p\u00ebr siguri q\u00eb monitorojn\u00eb dhe menaxhojn\u00eb rreziqet n\u00eb koh\u00eb reale, si dhe investime n\u00eb infrastruktur\u00eb t\u00eb re dhe rezistente.<\/p>\n

Strategjia e Siguris\u00eb<\/strong><\/p>\n

P\u00ebrmir\u00ebsimi i siguris\u00eb dhe mbrojtjes s\u00eb vendit parashihet edhe n\u00eb Strategjin\u00eb e Siguris\u00eb s\u00eb Kosov\u00ebs 2022-2027<\/a>.<\/p>\n

N\u00eb k\u00ebt\u00eb Strategji parashihet riorganizimi i Policis\u00eb s\u00eb Kosov\u00ebs.<\/p>\n

\u201cDo t\u00eb rishikoj\u00eb organizimin e saj t\u00eb brendsh\u00ebm, p\u00ebr t\u00eb shfryt\u00ebzuar burimet njer\u00ebzore n\u00eb m\u00ebnyr\u00eb sa m\u00eb efikase p\u00ebr t\u00eb kryer detyrat e rregullta, t\u00eb ve\u00e7anta dhe t\u00eb specializuara policore. Do t\u00eb themelohet Policia Rezerv\u00eb, e cila do t\u00eb mund t\u00eb angazhohet p\u00ebr ta ndihmuar Policin\u00eb n\u00eb ruajtjen e rendit dhe siguris\u00eb publike, n\u00eb rrethana t\u00eb jasht\u00ebzakonshme ose urgjente. N\u00eb Policin\u00eb e Kosov\u00ebs do t\u00eb investohet vazhdimisht n\u00eb ngritjen dhe n\u00eb zhvillimin e kapaciteteve, n\u00eb furnizimin me pajisje t\u00eb nevojshme p\u00ebr t\u00eb kryer detyrat e saj operacionale, si dhe n\u00eb kontrollimin dhe mbik\u00ebqyrjen e kufirit shtet\u00ebror.\u201d – thuhet mes t\u00eb tjerash n\u00eb k\u00ebt\u00eb Strategji.<\/p>\n

N\u00eb k\u00ebt\u00eb Strategji flitet edhe p\u00ebr ngritjen e kapaciteteve t\u00eb FSK-s\u00eb, p\u00ebr synimin drejt an\u00ebtar\u00ebsimit n\u00eb NATO.<\/p>\n

\u201cFSK vazhdon t\u00eb ngrit\u00eb dhe t\u00eb zhvilloj\u00eb aft\u00ebsit\u00eb dhe kapacitetet luftarake p\u00ebr mbrojtjen e territorit, t\u00eb mir\u00ebmbaj\u00eb dhe t\u00eb zhvilloj\u00eb kapacitetet p\u00ebr mb\u00ebshtetje ushtarake p\u00ebr autoritetet civile, si dhe t\u00eb kontribuoj\u00eb n\u00eb siguri p\u00ebrmes pjes\u00ebmarrjes n\u00eb misione ushtarake jasht\u00eb vendit. FSK-ja zhvillon doktrin\u00ebn, standardet dhe kapacitetet n\u00eb linj\u00eb me ato t\u00eb NATO-s\u00eb dhe do t\u00eb shtoj\u00eb aktivitetet trajnuese dhe st\u00ebrvitjet e p\u00ebrbashk\u00ebta me vendet e NATO-s\u00eb, me q\u00ebllim t\u00eb aft\u00ebsimit p\u00ebr nd\u00ebrveprim me forcat e armatosura t\u00eb tyre.\u201d – thuhet n\u00eb Strategji.<\/p>\n

N\u00eb Strategji p\u00ebrmendet edhe synimi i Kosov\u00ebs q\u00eb t\u00eb rrit\u00eb buxhetin p\u00ebr mbrojtje n\u00eb 2% t\u00eb Bruto Produktit Vendor.<\/p>\n

\u201cRepublika e Kosov\u00ebs do t\u00eb vler\u00ebsoj\u00eb mund\u00ebsin\u00eb p\u00ebr zhvillimin e modeleve t\u00eb p\u00ebrshtatshme t\u00eb forcave rezerviste, si dhe at\u00eb t\u00eb sh\u00ebrbimit t\u00eb detyruesh\u00ebm ushtarak, sipas praktikave bashk\u00ebkohore t\u00eb shteteve per\u00ebndimore, n\u00eb p\u00ebrputhje me rrethanat, kushtet dhe burimet vendore.\u201d – thuhet po ashtu n\u00eb k\u00ebt\u00eb Strategji.<\/p>\n

Sipas Ligjit t\u00eb Buxhetit<\/a> Policia e Kosov\u00ebs p\u00ebr vitin 2025 ka buxhet prej 152 milion\u00eb e 624 mij\u00eb e 469 euro.<\/p>\n

Bazuar n\u00eb t\u00eb nj\u00ebjtin Ligj, buxheti p\u00ebr vitin 2025 p\u00ebr Forc\u00ebn e Siguris\u00eb s\u00eb Kosov\u00ebs \u00ebsht\u00eb 202 milion\u00eb e 828 mij\u00eb e 715 euro, kurse i p\u00ebrgjithshmi p\u00ebr Ministrin\u00eb e Mbrojtjes ku hyn edhe FSK-ja \u00ebsht\u00eb 207 milion\u00eb e 875 mij\u00eb e 243.<\/p>\n","protected":false},"excerpt":{"rendered":"

Dron\u00eb e antidron\u00eb, helikopter\u00eb e municione, ngritje kazermash e “mbrojtje t\u00eb men\u00e7ur”, trajnime, digjitalizim e Vetting. Kush m\u00eb shum\u00eb e kush m\u00eb pak, secila prej partive dhe secili Koalicion q\u00eb garon n\u00eb Zgjedhjet e 9 shkurtit 2025, premton investime n\u00eb fush\u00ebn e Siguris\u00eb dhe Mbrojtjes. Gjat\u00eb fushat\u00ebs zgjedhore q\u00eb ka filluar m\u00eb 11.01.2025, L\u00ebvizja Vet\u00ebvendosje […]<\/p>\n","protected":false},"author":8,"featured_media":3210268,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[4,11],"tags":[865,499,172,2749,117,118,2750,868,119,93,1739,1834,10],"class_list":["post-3209600","post","type-post","status-publish","format-standard","has-post-thumbnail","hentry","category-gjate","category-lajm","tag-aak","tag-fsk","tag-fushata-zgjedhore","tag-koalicioni-per-familje","tag-ldk","tag-lvv","tag-mbrojtje","tag-nisma","tag-pdk","tag-policia-2","tag-siguri","tag-ushtria","tag-zgjedhjet-2025"],"lang":"sq","translations":{"sq":3209600},"pll_sync_post":[],"_links":{"self":[{"href":"https:\/\/www.drakonispahiu.com\/index.php?rest_route=\/wp\/v2\/posts\/3209600","targetHints":{"allow":["GET"]}}],"collection":[{"href":"https:\/\/www.drakonispahiu.com\/index.php?rest_route=\/wp\/v2\/posts"}],"about":[{"href":"https:\/\/www.drakonispahiu.com\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.drakonispahiu.com\/index.php?rest_route=\/wp\/v2\/users\/8"}],"replies":[{"embeddable":true,"href":"https:\/\/www.drakonispahiu.com\/index.php?rest_route=%2Fwp%2Fv2%2Fcomments&post=3209600"}],"version-history":[{"count":0,"href":"https:\/\/www.drakonispahiu.com\/index.php?rest_route=\/wp\/v2\/posts\/3209600\/revisions"}],"wp:featuredmedia":[{"embeddable":true,"href":"https:\/\/www.drakonispahiu.com\/index.php?rest_route=\/"}],"wp:attachment":[{"href":"https:\/\/www.drakonispahiu.com\/index.php?rest_route=%2Fwp%2Fv2%2Fmedia&parent=3209600"}],"wp:term":[{"taxonomy":"category","embeddable":true,"href":"https:\/\/www.drakonispahiu.com\/index.php?rest_route=%2Fwp%2Fv2%2Fcategories&post=3209600"},{"taxonomy":"post_tag","embeddable":true,"href":"https:\/\/www.drakonispahiu.com\/index.php?rest_route=%2Fwp%2Fv2%2Ftags&post=3209600"}],"curies":[{"name":"wp","href":"https:\/\/api.w.org\/{rel}","templated":true}]}}