{"id":3210785,"date":"2025-01-31T19:00:31","date_gmt":"2025-01-31T18:00:31","guid":{"rendered":"https:\/\/kallxo.com\/?p=3210785"},"modified":"2025-01-31T19:00:31","modified_gmt":"2025-01-31T18:00:31","slug":"planet-e-ldk-se-per-bujqesine-infrastrukturen-dhe-ambientin-aviokompani-central-me-gaz-dhe-mbeshtetje-per-bujqit","status":"publish","type":"post","link":"https:\/\/www.drakonispahiu.com\/?p=3210785","title":{"rendered":"Planet e LDK-s\u00eb p\u00ebr bujq\u00ebsin\u00eb, infrastruktur\u00ebn dhe ambientin: Aviokompani, central me gaz dhe mb\u00ebshtetje p\u00ebr bujqit"},"content":{"rendered":"<p><em>Themelimi e nj\u00eb aviokompanie, nd\u00ebrtimi i nj\u00eb centrali me gaz, p\u00ebrfundimi i projekteve rrugore dhe heqja e akciz\u00ebs s\u00eb naft\u00ebs dhe e norm\u00ebs s\u00eb interesit t\u00eb kredive p\u00ebr bujqit, jan\u00eb disa nga zotimet e LDK-s\u00eb n\u00eb bujq\u00ebsi, infrastruktur\u00eb dhe ambient.<\/em><\/p>\n<p><iframe loading=\"lazy\" title=\"#DebatPernime - Planet e LDK-s\u00eb p\u00ebr Infrastruktur\u00ebn, Bujq\u00ebsin\u00eb e Ambientin - 31.01.2025\" width=\"500\" height=\"281\" src=\"https:\/\/www.youtube.com\/embed\/w9xozM74U_M?feature=oembed\" frameborder=\"0\" allow=\"accelerometer; autoplay; clipboard-write; encrypted-media; gyroscope; picture-in-picture; web-share\" referrerpolicy=\"strict-origin-when-cross-origin\" allowfullscreen><\/iframe><\/p>\n<p>Kandidat\u00ebt p\u00ebr deputet\u00eb nga Lidhja Demokratike e Kosov\u00ebs (LDK) premtojn\u00eb se do t\u00eb p\u00ebrfundojn\u00eb rrug\u00ebt q\u00eb jan\u00eb nisur, do t\u00eb heqin akciz\u00ebn dhe norm\u00ebn e interesit p\u00ebr bujqit, do t\u00eb themelojn\u00eb nj\u00eb aviokompani e nj\u00eb central me gaz, dhe p\u00ebrgjith\u00ebsisht do t\u00eb investojn\u00eb 5 miliard\u00eb euro p\u00ebr 120 projekte kapitale, n\u00eb rast se e marrin drejtimin e Qeveris\u00eb pas zgjedhjeve t\u00eb 9 shkurtit 2025. Me programin \u201cRruga e Re\u201d, t\u00eb gjitha k\u00ebto projekte parashihen t\u00eb realizohen brenda mandatit kat\u00ebrvje\u00e7ar,<\/p>\n<p>Alban Zogaj, Krenar Xhaferi dhe Xhafer Tahiri, n\u00eb em\u00ebr t\u00eb LDK-s\u00eb u zotuan n\u00eb \u201cDebat P\u00ebrnime\u201d m\u00eb 31.01.2025, se do t\u00eb investojn\u00eb n\u00eb sektorin e bujq\u00ebsis\u00eb, energjis\u00eb dhe infrastruktur\u00ebs, duke nisur nga p\u00ebrfundimi i pun\u00ebve t\u00eb nisura e deri te realizimi i projekteve t\u00eb reja.<\/p>\n<p>P\u00ebrve\u00e7 investimeve n\u00eb asfalt, k\u00ebta kandidat\u00eb premtuan se do t\u00eb nd\u00ebrtojn\u00eb nj\u00eb central me gaz, nj\u00eb Qend\u00ebr t\u00eb re Spitalore, do t\u00eb b\u00ebjn\u00eb sigurime bujq\u00ebsore p\u00ebr fermer\u00ebt dhe do t\u00eb ulin \u00e7mimet e biletave nga Aeroporti i Prishtin\u00ebs p\u00ebrmes shtimit t\u00eb kapaciteteve t\u00eb k\u00ebtij aeroporti dhe aviokompanis\u00eb t\u00eb cil\u00ebn e kan\u00eb n\u00eb plan q\u00eb ta themelojn\u00eb.<\/p>\n<p>Kandidat i LDK-s\u00eb p\u00ebr kryeminist\u00ebr \u00ebsht\u00eb Lumir Abdixhiku, nd\u00ebrsa kund\u00ebrshtar\u00eb n\u00eb gar\u00ebn e 9 shkurtit e ka kandidatin e Vet\u00ebvendosjes, nj\u00ebher\u00ebsh kryeministrin aktual Albin Kurti; Bedri Hamz\u00ebn nga Partia Demokratike e Kosov\u00ebs (PDK) dhe Ramush Haradinaj nga Aleanca p\u00ebr Ardhm\u00ebrin\u00eb e Kosov\u00ebs (AAK).<\/p>\n<p>Gjithsej 2 milion\u00eb e 75 mij\u00eb e 868 votues do t\u00eb ken\u00eb t\u00eb drejt\u00eb vote k\u00ebto Zgjedhje \u2013 sipas t\u00eb dh\u00ebnave t\u00eb Komisionit Qendror t\u00eb Zgjedhjeve (KQZ). Numri i qytetar\u00ebve me t\u00eb drejt\u00eb vote n\u00eb vendvotime vet\u00ebm n\u00eb Kosov\u00eb \u00ebsht\u00eb 1 milion e 970 mij\u00eb e 944 votues.<\/p>\n<p>N\u00eb zgjedhjet parlamentare do t\u00eb garojn\u00eb 27 subjekte politike. Prej tyre 19 jan\u00eb parti politike, pes\u00eb koalicione, dy nisma qytetare dhe nj\u00eb kandidat i pavarur. Ky \u00ebsht\u00eb procesi i par\u00eb i rregullt zgjedhor n\u00eb Kosov\u00eb, q\u00eb nga shpallja e Pavar\u00ebsis\u00eb m\u00eb 2008.<\/p>\n<p><strong>5 miliard\u00eb- 120 projekte <\/strong><\/p>\n<p>N\u00eb programin \u201cRruga e Re\u201d, LDK ka planifikuar 120 projekte kapitale me vler\u00eb 5 miliard\u00eb euro.<\/p>\n<p>Kandidati p\u00ebr deputet, Alban Zogaj, thot\u00eb se e kan\u00eb n\u00eb plan q\u00eb \u00e7do vit t\u00eb investojn\u00eb mbi 1 miliard\u00eb euro n\u00eb investime kapitale t\u00eb cilat kryesisht jan\u00eb infrastrukturore.<\/p>\n<p>\u201cK\u00ebtu e kam fjal\u00ebn p\u00ebr projekte t\u00eb m\u00ebdha dhe p\u00ebrfundimin e t\u00eb gjitha rrug\u00ebve q\u00eb e lidhin kryeqytetin me qytete t\u00eb m\u00ebdha t\u00eb Kosov\u00ebs\u201d- tha ai.<\/p>\n<p>Zogaj u zotua se do ta nd\u00ebrtojn\u00eb me urgjenc\u00eb autostrad\u00ebn e Gjilanit, magjistralen Prishtin\u00eb- Pej\u00eb, Unaz\u00ebn e Jashtme n\u00eb Prishtin\u00eb me vler\u00eb 350 milion\u00eb euro, do ta p\u00ebrfundojn\u00eb magjistralen Prishtin\u00eb- Mitrovic\u00eb, magjistralen Prishtin\u00eb- Podujev\u00eb dhe pjes\u00ebn e projektit Gjakov\u00eb-Klin\u00eb. Gjithashtu, ai tha se planifikojn\u00eb q\u00eb t\u00eb nd\u00ebrtojn\u00eb 200 stacione t\u00eb autobus\u00ebve n\u00eb t\u00eb gjith\u00eb Kosov\u00ebn.<\/p>\n<p>\u201cPritore moderne ku [qytetar\u00ebt] kan\u00eb mund\u00ebsin\u00eb me pas edhe ndri\u00e7imin, shitjen e pijeve dhe ushqimit- si n\u00eb krejt Europ\u00ebn\u201d- tha Zogaj.<\/p>\n<figure id=\"attachment_3210795\" aria-describedby=\"caption-attachment-3210795\" style=\"width: 2560px\" class=\"wp-caption alignnone\"><a href=\"https:\/\/kallxo.com\/wp-content\/uploads\/2025\/01\/DSC03688-scaled.jpg\"><img loading=\"lazy\" decoding=\"async\" class=\"size-full wp-image-3210795\" src=\"https:\/\/kallxo.com\/wp-content\/uploads\/2025\/01\/DSC03688-scaled.jpg\" alt=\"\" width=\"2560\" height=\"1344\" \/><\/a><figcaption id=\"caption-attachment-3210795\" class=\"wp-caption-text\">Kandidati i LDK-s\u00eb p\u00ebr deputet, Alban Zogaj. Foto: Naser Fejza\/KALLXO.com<\/figcaption><\/figure>\n<p>I pyetur nga Visar Prebreza nga \u201cKrypometri\u201d, se pse 930 milion\u00eb euro t\u00eb parapara me programin e LDK-s\u00eb, jan\u00eb p\u00ebr projekte p\u00ebr asfalt, p\u00ebrfshir\u00eb edhe ato p\u00ebr shpron\u00ebsimet p\u00ebr Unaz\u00ebn e Prishtin\u00ebs, p\u00ebrderisa shumica e investimeve q\u00eb nga shpallja e Pavar\u00ebsis\u00eb kan\u00eb qen\u00eb pik\u00ebrisht n\u00eb asalft,\u00a0 Zogaj vler\u00ebsoi se af\u00ebr nj\u00eb 1 miliard euro nuk jan\u00eb shum\u00eb p\u00ebr shkak se \u201cprojekti i madh i asfaltimit duhet t\u00eb ndodh\u00eb nj\u00ebher\u00eb e mir\u00eb\u201d.<\/p>\n<p>\u201cNuk jan\u00eb shum\u00eb p\u00ebr shkak se ne konsiderojm\u00eb q\u00eb rruga \u00ebsht\u00eb qasje n\u00eb treg, n\u00eb spital, n\u00eb universitet e kryeqytet. Ky vend duhet me p\u00ebrfundu projektin e madh t\u00eb rrug\u00ebve dhe pastaj dalim n\u00eb pjes\u00ebt tjera t\u00eb ekonomis\u00eb\u201d- tha ai.<\/p>\n<p>Zogaj, me profesion ekonomist tha se ende nuk kan\u00eb nj\u00eb vendim t\u00eb prer\u00eb n\u00ebse do t\u00eb shtohet tarifa p\u00ebr rrug\u00ebt, megjithat\u00eb tha se meq\u00eb rrug\u00ebt jan\u00eb nd\u00ebrtuar prej buxhetit t\u00eb Kosov\u00ebs, \u201cideja deri von\u00eb ka qen\u00eb mos me e ngarku qytetarin edhe me nj\u00eb pages\u00eb shtes\u00eb\u201d.<\/p>\n<p><a href=\"https:\/\/lidhjademokratike.org\/wp-content\/uploads\/Programi_Botimi-i-trete.pdf\">Plani i LDK-s\u00eb<\/a> parasheh p\u00ebrfundimin e shpejt\u00eb t\u00eb t\u00eb gjitha magjistraleve aktuale, me theks t\u00eb ve\u00e7ant\u00eb t\u00eb magjistrales Prishtin\u00eb &#8211; Podujev\u00eb (50 milion\u00eb euro); si dhe magjistrales Prishtin\u00eb-Mitrovic\u00eb (30 milion\u00eb euro).<\/p>\n<p>Sipas plan-programit, rruga tashm\u00eb e nisur Gjakov\u00eb-Klin\u00eb, sikurse ky\u00e7ja e Komun\u00ebs s\u00eb Vitis\u00eb n\u00eb G\u00ebrlic\u00eb, do t\u00eb ken\u00eb kosto shtes\u00eb rreth 40 milion\u00eb euro; p\u00ebrderisa dy rrug\u00ebt tjera t\u00eb r\u00ebnd\u00ebsis\u00eb s\u00eb ve\u00e7ant\u00eb, ajo Pej\u00eb-Kull\u00eb-Rozhaj\u00eb dhe De\u00e7an-Plav\u00eb do t\u00eb kushtojn\u00eb 30 milion\u00eb euro, respektivisht 10 milion\u00eb euro p\u00ebr t\u00eb p\u00ebrfunduar t\u00eb dyja brenda kat\u00ebr viteve.<\/p>\n<p>Megjithat\u00eb, ai tha se duhet t\u00eb merret vendimi p\u00ebr tarif\u00eb n\u00eb m\u00ebnyr\u00eb q\u00eb t\u00eb mir\u00ebmbahen rrug\u00ebt e m\u00ebdha nacionale, sidomos autostradat.<\/p>\n<p>\u201cNuk kemi vendim t\u00eb prer\u00eb p\u00ebr k\u00ebt\u00eb pun\u00eb. Do ta analizojm\u00eb mir\u00eb se a \u00ebsht\u00eb koha e p\u00ebrshtatshme p\u00ebr ta vendosur tarif\u00ebn, por mir\u00ebmbajtja e k\u00ebtyre rrug\u00ebve t\u00eb m\u00ebdha duhet t\u00eb b\u00ebhet medoemos me pages\u00eb\u201d- tha ai, duke e vler\u00ebsuar se nj\u00eb vendim i till\u00eb nuk \u00ebsht\u00eb popullor.<\/p>\n<p>Ai tha se do ta instalojn\u00eb modelin e kredive afatgjata p\u00ebr nd\u00ebrtimin e projekteve t\u00eb m\u00ebdha.<\/p>\n<p>\u201cSepse k\u00ebto projekte do ta ken\u00eb jet\u00ebgjat\u00ebsin\u00eb me vite t\u00eb t\u00ebra, 30 a 50 vite. Kjo n\u00ebnkupton q\u00eb kan\u00eb me u shfryt\u00ebzu prej gjeneratave t\u00eb ardhshme. [Andaj] edhe gjeneratat e ardhshme duhet me kontribu n\u00eb pages\u00ebn e k\u00ebtyre projekteve\u201d- tha ai.<\/p>\n<p>Zogaj shtoi se \u2155 e buxhetit t\u00eb planifikuar jan\u00eb projekte t\u00eb rrug\u00ebve, nd\u00ebrsa 80 p\u00ebr qind e programit infrastrukturor dhe investime kapitale \u00ebsht\u00eb i orientuar n\u00eb sfera tjera.<\/p>\n<p>N\u00eb lidhje me rrug\u00ebt, kandidati Krenar Xhaferi premtoi se Autostrada e Gjilanit do t\u00eb p\u00ebrmbyllet brenda dy vitesh, e brenda mandatit t\u00eb par\u00eb\u00a0deri te Dheu i Bardh\u00eb.<\/p>\n<p>\u201cP\u00ebrve\u00e7 Ur\u00ebs t\u00eb Badocit q\u00eb u p\u00ebrmend 32 metra e gjat\u00eb, asnj\u00eb pun\u00eb tjet\u00ebr nuk \u00ebsht\u00eb b\u00ebr\u00eb nga Qeveria aktuale\u201d- kritikoi ai Qeverin\u00eb Kurti.<\/p>\n<p>Kurse kandidati Xhafer Tahiri pretendon se arsyetimet e Qeveris\u00eb Kurti se \u00ebsht\u00eb kursyer buxheti i shtetit p\u00ebr k\u00ebto rrug\u00eb, nuk q\u00ebndrojn\u00eb, pasi sipas tij, qytetar\u00ebt kan\u00eb shpenzuar mij\u00ebra euro m\u00eb shum\u00eb n\u00eb amortizim t\u00eb makinave p\u00ebr shkak t\u00eb rrug\u00ebve t\u00eb k\u00ebqija.<\/p>\n<p>\u201cPika e dyt\u00eb p\u00ebr t\u00eb hedhur posht\u00eb k\u00ebt\u00eb pretendim \u00ebsht\u00eb se sa aktakuza p\u00ebr korrupsion jan\u00eb b\u00ebr\u00eb n\u00eb k\u00ebt\u00eb periudh\u00eb p\u00ebr k\u00ebto kontrata q\u00eb ata pretendojn\u00eb se ka pasur korrupsion. P\u00ebrgjigja \u00ebsht\u00eb zero. \u00cbsht\u00eb vet\u00ebm arsyetim p\u00ebr t\u00eb tentuar t\u00eb mbulojn\u00eb paaft\u00ebsin\u00eb e tyre q\u00eb t\u2019i p\u00ebrfundojn\u00eb k\u00ebto projekte\u201d- tha ai.<\/p>\n<p>Gjat\u00eb debatit, Krenar Xhaferi, p\u00ebrmendi shtimin e numrit t\u00eb menaxher\u00ebve t\u00eb kontratave n\u00eb m\u00ebnyr\u00eb q\u00eb mos t\u00eb b\u00ebhet norm\u00eb 10 p\u00ebr qind\u00ebshi, e cila n\u00ebnkupton pun\u00eb shtes\u00eb- q\u00eb pothuajse n\u00eb shum\u00eb projekte aplikohet nj\u00eb gj\u00eb e till\u00eb.<\/p>\n<p>\u201cPrishtina ka m\u00eb s\u00eb paku [k\u00ebso] 10 p\u00ebr qind n\u00eb krahasim me krejt nivelet tjera. \u00cbsht\u00eb fakt kjo q\u00eb po e p\u00ebrmend s\u00eb paku n\u00eb Ministrin e Infrastruktur\u00ebs, 10 p\u00ebr qind\u00ebshet jan\u00eb shum\u00eb evidente\u201d- tha ai.<\/p>\n<p>Xhaferi pretendon se p\u00ebrderisa Komun\u00ebn e Prishtin\u00ebs nj\u00eb kontrat\u00eb mbik\u00ebqyret prej 6 inxhinier\u00ebve, nga mbik\u00ebqyr\u00ebsi i menaxherit, menaxheri dhe ekipi profesional, n\u00eb ministri \u00ebsht\u00eb vet\u00ebm nj\u00eb menaxher p\u00ebr krejt kontratat.<\/p>\n<p>\u201cPo flasim k\u00ebtu p\u00ebr mbik\u00ebqyrje t\u00eb asfaltit dhe investimeve infrastrukturore dhe besoj q\u00eb edhe ajo frym\u00eb do t\u00eb p\u00ebrcillet \u00a0edhe n\u00eb nivelin qendror, sepse duhet t\u00eb ket\u00eb ekip m\u00eb t\u00eb madh profesional q\u00eb secili jep t\u00eb jep p\u00ebrgjegj\u00ebsi p\u00ebr fush\u00ebn e vet\u201d- u shpreh ai.<\/p>\n<p><strong>Mbyllja e \u201cKosova A\u201d, ngritja e Centralit me gaz<\/strong><\/p>\n<p>Plani m\u00eb i madh q\u00eb ka proklamuar LDK-ja n\u00eb k\u00ebt\u00eb fushat\u00eb zgjedhore e q\u00eb hyn\u00eb n\u00eb kuad\u00ebr t\u00eb infrastruktur\u00ebs dhe energjis\u00eb \u00ebsht\u00eb nd\u00ebrtimi i Centralit me Gaz.<\/p>\n<p>Sipas programit t\u00eb LDK-s\u00eb, lokacioni i centralit t\u00eb ri do t\u00eb p\u00ebrcaktohet pas studimit t\u00eb fizibilitetit, me mund\u00ebsi serioze t\u00eb vendosjes n\u00eb Han t\u00eb Elezit, Ka\u00e7anikut apo dhe Ferizajt.<\/p>\n<p>Alban Zogaj thot\u00eb se k\u00ebt\u00eb Central e kan\u00eb n\u00eb plan ta nd\u00ebrtojn\u00eb me kredi afatgjata, q\u00eb sipas tij, Banka Europiane p\u00ebr Nd\u00ebrtim dhe Zhvillim dhe Banka Bot\u00ebrore, Fondi Monetar ofrojn\u00eb kredi afatgjat\u00eb p\u00ebr k\u00ebso projekte.<\/p>\n<p>Kurse, sipas<a href=\"https:\/\/lidhjademokratike.org\/wp-content\/uploads\/Programi_Botimi-i-trete.pdf\"> plan-programit, <\/a>parat\u00eb e nevojshme p\u00ebr investim do t\u00eb sigurohen nga Fondi i Kursimeve Pensionale, me kthim investimi dyfish \u00e7far\u00eb ky fond merr tani p\u00ebr tani n\u00ebp\u00ebr tregjet nd\u00ebrkomb\u00ebtare.<\/p>\n<p>\u201cNe ve\u00e7se i kemi filluar linjat e para t\u00eb komunikimit me kompani t\u00eb m\u00ebdha amerikane t\u00eb cilat do t\u00eb investojn\u00eb n\u00eb Centralin m\u00eb gaz, 500 M\u00cb, 500 milion\u00eb euro\u201d- tha Zogaj.<\/p>\n<p>N\u00eb planin e LDK-s\u00eb \u00ebsht\u00eb mbyllja e Termocentralit \u201cKosova A\u201d dhe rind\u00ebrtimi i \u201cKosova B\u201d.<\/p>\n<p>\u201cNe mendojm\u00eb q\u00eb kjo \u00ebsht\u00eb gabim (rind\u00ebrtimi e dy nj\u00ebsive t\u00eb \u2018Kosova A\u2019). Rind\u00ebrtimit t\u00eb \u201cKosov\u00ebs B\u201d me ia shtu edhe Centralin me gaz, plus me hap dritare t\u00eb reja p\u00ebr energji t\u00eb rip\u00ebrtritshme n\u00eb bashk\u00ebpunim me sektorin privat\u201d- tha ai kur u pyet n\u00ebse jan\u00eb \u201cpro\u201d ose \u201ckund\u00ebr\u201d thirrjes s\u00eb fundit t\u00eb Korporat\u00ebs Energjetike t\u00eb Kosov\u00ebs (KEK) p\u00ebr rind\u00ebrtimin e dy nj\u00ebsive t\u00eb \u201cKosova A\u201d.<\/p>\n<figure id=\"attachment_3210796\" aria-describedby=\"caption-attachment-3210796\" style=\"width: 2560px\" class=\"wp-caption alignnone\"><a href=\"https:\/\/kallxo.com\/wp-content\/uploads\/2025\/01\/DSC03771-scaled.jpg\"><img loading=\"lazy\" decoding=\"async\" class=\"size-full wp-image-3210796\" src=\"https:\/\/kallxo.com\/wp-content\/uploads\/2025\/01\/DSC03771-scaled.jpg\" alt=\"\" width=\"2560\" height=\"1344\" \/><\/a><figcaption id=\"caption-attachment-3210796\" class=\"wp-caption-text\">Kandidati i LDK-s\u00eb p\u00ebr deputet, Krenar Xhaferi. Foto: Naser Fejza\/KALLXO.com<\/figcaption><\/figure>\n<p>Megjithat\u00eb, ai tha se nuk do ta anulojn\u00eb menj\u00ebher\u00eb k\u00ebt\u00eb thirrje n\u00ebse do t\u00eb qeverisin, por do ta rishikojn\u00eb.<\/p>\n<p>P\u00ebr projektin e Brezovic\u00ebs, Alban Zogaj tha se do ta realizojn\u00eb me model t\u00eb Partneritetit Publiko-Privat (PPP) .<\/p>\n<p>Ai tha se do t\u00eb investojn\u00eb si Qeveri e si shtet 80 milion\u00eb euro n\u00eb Brezovic\u00eb duke e nd\u00ebrtuar infrastruktur\u00ebn bazike t\u00eb teleferik\u00ebve dhe t\u00eb gondol\u00ebs nga posht\u00eb deri t\u00eb qendra e skijimit.<\/p>\n<p>\u201cPor, pjes\u00eb tjet\u00ebr t\u00eb investimeve, facilitietet e hotelierive, fascilitetet sportive, t\u00eb akomodimit e k\u00ebshtu m\u00eb radh\u00eb, do t\u2019i nd\u00ebrtojn\u00eb sektori privat edhe firmat private\u201d- tha ai.<\/p>\n<p><strong>Aviokompani dhe p\u00ebrfundim i hekurudhave brenda Kosov\u00ebs<\/strong><\/p>\n<p>Alban Zogaj tha se n\u00eb programin e tyre kan\u00eb parapar\u00eb rehabilitimin e hekurudhave t\u00eb brendshme, nj\u00ebher\u00ebsh do t\u00eb analizojn\u00eb edhe hekurudh\u00ebn me Durr\u00ebsin- edhe pse nuk e kan\u00eb n\u00eb program.<\/p>\n<p>\u201cE kemi rehabilitimin e krejt hekurudhave t\u00eb brendshme, kjo \u00ebsht\u00eb prioriteti jon\u00eb\u201d- tha ai.<\/p>\n<p>Kurse, Xhafer Tahiri tha se Qeveria Kurti nuk e ka p\u00ebrfunduar asnj\u00eb prej projekteve t\u00eb r\u00ebnd\u00ebsishme brenda Kosov\u00ebs dhe retorika se do t\u00eb nd\u00ebrtojn\u00eb hekurudh\u00ebn me Shqip\u00ebrin\u00eb \u00ebsht\u00eb\u00a0thjesht\u00eb nj\u00eb retorik\u00eb elektorale.<\/p>\n<p>N\u00eb planprogram, LDK ka shkruar se ka identifikuar tri projekte kryesore q\u00eb do t\u00eb rip\u00ebrcaktojn\u00eb p\u00ebrvoj\u00ebn e udh\u00ebtimit brenda Kosov\u00ebs dhe do t\u00eb forcojn\u00eb ekonomin\u00eb, me total 100 milion\u00eb euro.<\/p>\n<p>Projekti i par\u00eb, sipas tyre, \u00ebsht\u00eb rehabilitimi i linj\u00ebs hekurudhore X\u00ebrx\u00eb-Prizren, e cila m\u00eb pas do t\u00eb do t\u00eb lidhte Prishtin\u00ebn me Prizrenin (p\u00ebrmes Fush\u00eb-Kosov\u00ebs) me nj\u00eb investim prej rreth 25 milion\u00eb eurosh. Projekti i dyt\u00eb ka t\u00eb b\u00ebj\u00eb me rehabilitimin e linj\u00ebs Klin\u00eb-Pej\u00eb me nj\u00eb kosto prej 22 milion\u00eb eurove. Nd\u00ebrkaq, projekti i tret\u00eb ka t\u00eb b\u00ebj\u00eb me p\u00ebrfundimin e rehabilitimit t\u00eb linj\u00ebs hekurudhore \u201cHani i Elezit-Fush\u00ebKosov\u00eb\u201d, duke p\u00ebrfshir\u00eb edhe rehabilitimin e stacioneve t\u00eb trenit, p\u00ebrgjat\u00eb gjith\u00eb linj\u00ebs.<\/p>\n<p>\u201cP\u00ebr shkak t\u00eb munges\u00ebs t\u00eb zhvillimit p\u00ebr k\u00ebt\u00eb kat\u00ebr vite t\u00eb k\u00ebsaj qeverisje, fokusi i madh duhet t\u00eb jet\u00eb t\u00eb p\u00ebrfundohen projektet e m\u00ebdha infrastrukturore t\u00eb cilat jan\u00eb b\u00ebr\u00eb tanim\u00eb barr\u00eb p\u00ebr \u00e7do qytetar\u00eb t\u00eb Kosov\u00ebs\u201d- tha ai.<\/p>\n<p>Nd\u00ebrsa sa i p\u00ebrket \u00e7mimit t\u00eb biletave t\u00eb aeroplanit nga Aeroporti i Prishtin\u00ebs q\u00eb jan\u00eb m\u00eb t\u00eb larta, Zogaj tha se n\u00eb programin e tyre kan\u00eb dhe aviokompain\u00eb kosovare e cila do t\u00eb ndihmoj\u00eb n\u00eb k\u00ebt\u00eb drejtim, gjithashtu edhe zgjerimi i kapaciteteve t\u00eb Aeroportit.<\/p>\n<p>\u201cZgjerimi i kapacitetetve e rrit ofert\u00ebn dhe k\u00ebshtu i zvog\u00eblon \u00e7mimet e biletave\u201d- tha ai.<\/p>\n<p>Zogaj tha se zotohen q\u00eb qasja e tyre \u00ebsht\u00eb q\u00eb monopolet t\u00eb mos ekzistojn\u00eb n\u00eb ekonomin\u00eb e tregut t\u00eb lir\u00eb t\u00eb Kosov\u00ebs dhe kontratat t\u00eb analizohen.<\/p>\n<p>\u201cN\u00ebse nj\u00eb kontrat\u00eb \u00ebsht\u00eb n\u00ebnshkru dhe e ka nj\u00eb afat skadimi nuk mundet me ardh\u00eb nj\u00eb Qeveri e re dhe me fillu tani me i rr\u00ebnu krejt kontratat e reja, andaj do t\u2019i analizojm\u00eb kontratat, do t\u00eb merremi me to n\u00eb qoft\u00eb se se ka shkelje i orientojm\u00eb kah organet p\u00ebrgjegj\u00ebse\u201d- tha ai.<\/p>\n<p>Sipas planprogramit \u201cRruga e re\u201d, parashihet themelimi i aviokompanis\u00eb s\u00eb par\u00eb komb\u00ebtare, me nj\u00eb flot\u00eb avion\u00ebsh prej 4 deri n\u00eb 8 sosh, me vler\u00eb t\u00eb gjith\u00ebmbarshme 70 milion\u00eb euro.<\/p>\n<p>LDK premton q\u00eb kjo aviokompani \u2013 n\u00eb pron\u00ebsi publike dhe private \u2013 do t\u00eb siguroj\u00eb fluturime t\u00eb rregullta mes Aeroportit t\u00eb Prishtin\u00ebs dhe vendeve me diaspor\u00eb t\u00eb theksuar shqiptare.<\/p>\n<p>\u201cRreth 100 milion\u00eb euro t\u00eb tjera do t\u00eb sigurohen nga investimet private, q\u00eb do t\u00eb b\u00ebhen pjes\u00eb e k\u00ebtij konzorciumi\u201d- shkruan n\u00eb program.<\/p>\n<p><strong>Heqja e akciz\u00ebs, rritja e buxhetit dhe financimi i norm\u00ebs t\u00eb interesit<\/strong><\/p>\n<p>Xhafer Tahiri thot\u00eb q\u00eb p\u00ebr sistemin e ujitjes, LDK ka parapar\u00eb investime t\u00eb menj\u00ebhershme n\u00eb rehabilitimin, fillimisht n\u00eb sistemin aktual\u00eb t\u00eb ujitjes t\u00eb tokave bujq\u00ebsore dhe pastaj nd\u00ebrtimin e kapaciteteve t\u00eb reja.<\/p>\n<p>\u201cAktualisht n\u00eb Kosov\u00ebs kemi vet\u00ebm nja 20 mij\u00eb hektar\u00eb n\u00ebn sistemin e ujitjes apo vet\u00ebm 4.8% e tok\u00ebs bujq\u00ebsore\u201d- tha Tahiri.<\/p>\n<p><a href=\"https:\/\/lidhjademokratike.org\/wp-content\/uploads\/Programi_Botimi-i-trete.pdf\">Programi i LDK-s\u00eb<\/a> parasheh rritjen e buxhetit p\u00ebr bujq\u00ebsi dhe zhvillim rural p\u00ebr 100 milion\u00eb euro p\u00ebr nj\u00eb mandat.\u00a0 Nd\u00ebsa p\u00ebr planin e tokave n\u00ebn ujitje dyfishim t\u00eb sip\u00ebrfaqes aktuale, q\u00eb sipas matjeve t\u00eb tyre aktualisht jan\u00eb rreth 20 mij\u00eb hektar\u00eb t\u00eb tok\u00ebs bujq\u00ebsore.<\/p>\n<p>Edhe pse nuk \u00ebsht\u00eb i p\u00ebrmendur specifikisht, Tahiri i cili ka qen\u00eb kryetar i Komun\u00ebs s\u00eb Vushtrris\u00eb n\u00eb mandatin e kaluar, tha se kan\u00eb pasur n\u00eb plan nd\u00ebrtimin e liqene akumuluese q\u00eb mund t\u00eb p\u00ebrdoren edhe p\u00ebr ujitje edhe p\u00ebr uj\u00eb t\u00eb pijsh\u00ebm.<\/p>\n<p>Ai tha se n\u00eb rajonin e Vushtrris\u00eb \u00ebsht\u00eb nj\u00eb projekt q\u00eb \u00ebsht\u00eb n\u00eb kuad\u00ebr t\u00eb strategjis\u00eb komb\u00ebtare p\u00ebr siguri t\u00eb ujit dhe projekt i studiuar nga Banka Bot\u00ebrore q\u00eb nga vitet e 70- ta p\u00ebr liqene akumuluese.<\/p>\n<p>Sipas tij, ky projekt patjet\u00ebr q\u00eb do t\u00eb realizohet n\u00eb m\u00ebnyr\u00eb q\u00eb t\u00eb rritet edhe sip\u00ebrfaqja e tok\u00ebs bujq\u00ebsore n\u00ebn ujitje edhe t\u00eb kemi siguri t\u00eb ujit.<\/p>\n<p><span style=\"font-weight: 400;\">Kurse, Alban Zogaj potencoi se nj\u00eb prej problemeve me t\u00eb m\u00ebdha aktualisht t\u00eb zhvillimit bujq\u00ebsor n\u00eb Kosov\u00eb \u00ebsht\u00eb mungesa e sigurimeve bujq\u00ebsore, t\u00eb cilat premtojn\u00eb se do t\u2019i b\u00ebjn\u00eb.<\/span><\/p>\n<figure id=\"attachment_3210797\" aria-describedby=\"caption-attachment-3210797\" style=\"width: 2560px\" class=\"wp-caption alignnone\"><a href=\"https:\/\/kallxo.com\/wp-content\/uploads\/2025\/01\/DSC03777-scaled.jpg\"><img loading=\"lazy\" decoding=\"async\" class=\"size-full wp-image-3210797\" src=\"https:\/\/kallxo.com\/wp-content\/uploads\/2025\/01\/DSC03777-scaled.jpg\" alt=\"\" width=\"2560\" height=\"1344\" \/><\/a><figcaption id=\"caption-attachment-3210797\" class=\"wp-caption-text\">Kandidati i LDK-s\u00eb p\u00ebr deputet, Xhafer Tahiri. Foto: Naser Fejza\/KALLXO.com<\/figcaption><\/figure>\n<p>P\u00ebr k\u00ebt\u00eb, ai tha se duhet t\u00eb k\u00ebrkojn\u00eb prej kompanive t\u00eb sigurimit q\u00eb produktet bujq\u00ebsore me i fut n\u00eb gam\u00ebn e tyre t\u00eb sh\u00ebrbimeve dhe n\u00eb qoft\u00eb se ka problem, si Qeveri t\u2019i garantojn\u00eb ato sigurime.<\/p>\n<p>Pos saj, Zogaj tha se kan\u00eb propozuar heqjen e akciz\u00ebs p\u00ebr naft\u00ebn e krejt firmave bujq\u00ebsore dhe t\u2019i financojn\u00eb normat e interesit p\u00ebr fermer\u00ebt, q\u00eb n\u00ebnkupton q\u00eb shteti t\u00eb paguaj\u00eb norm\u00ebn e interesit nd\u00ebrsa fermer\u00ebt t\u00eb marrin kredi p\u00ebr zhvillimin e bujq\u00ebsis\u00eb.<\/p>\n<p>\u201cHeqja e akciz\u00ebs\u00a0e b\u00ebn\u00eb l\u00ebnd\u00ebn e par\u00eb p\u00ebr bujq\u00ebsin\u00eb t\u00eb jet\u00eb m\u00eb e lir\u00eb dhe k\u00ebshtu i jep mund\u00ebsi bujq\u00ebsis\u00eb me u zhvillu edhe me pas produktivitet dhe profit me t\u00eb lart\u00eb\u201d- tha ai.<\/p>\n<p>Xhafer Tahiri e sqaroi \u00e7\u00ebshtjen e formalizimit duke shtuar se do t\u00eb krijohet nj\u00eb fond i ve\u00e7ant\u00eb nga Qeveria e Kosov\u00ebs q\u00eb garanton norm\u00ebn e interesit p\u00ebrmes fondit kreditor dhe garantimit t\u00eb fondit.<\/p>\n<p>Se qysh do t\u00eb ndalet korrupsioni n\u00eb dh\u00ebnien e granteve, Tahiri tha se \u201chajnia \u00ebsht\u00eb hajni- edhe at\u00ebher\u00eb, edhe tani, edhe n\u00eb t\u00eb ardhmen dhe do t\u00eb merr d\u00ebnimin e merituar sipas ligjit dhe asnj\u00ebher\u00eb nuk do t\u00eb merr mbrojtjen e Qeveris\u00eb\u201d.<\/p>\n<p>Tahiri tha se p\u00ebr Rajonin 02- Mitrovic\u00ebn, programi i LDK-s\u00eb p\u00ebrfshin nj\u00eb num\u00ebr t\u00eb projekteve t\u00eb r\u00ebnd\u00ebsishme q\u00eb lindin si nevoj\u00eb q\u00eb kan\u00eb qytetar\u00ebt e k\u00ebtij rajoni.<\/p>\n<p>Ai tha se projekti m\u00eb i r\u00ebnd\u00ebsish\u00ebm \u00ebsht\u00eb p\u00ebrfundimi sa m\u00eb shpejt i rrug\u00ebs Prishtin\u00eb-Mitrovic\u00eb.<\/p>\n<p>\u201cKjo rrug\u00eb tani p\u00ebr tani \u00ebsht\u00eb p\u00ebrfunduar vet\u00ebm deri n\u00eb fshatin Nadakofc. Ju dhe mediat tjera keni raportuar p\u00ebr problemet e kualitetit t\u00eb punimeve i cili \u00ebsht\u00eb b\u00ebr\u00eb nga ngutia q\u00eb ka pas Qeveria p\u00ebr ta prer\u00eb nj\u00eb shirit, q\u00eb t\u00eb ket\u00eb t\u00eb pakt\u00ebn nj\u00eb projekt t\u00eb p\u00ebrfunduar p\u00ebr k\u00ebt\u00eb fushat\u00eb\u201d- tha ai.<\/p>\n<p><b>P\u00ebrvoja e LDK-s\u00eb n\u00eb pushtet<\/b><\/p>\n<p>Lidhja Demokratike e Kosov\u00ebs m\u00eb s\u00eb shpeshti e ka pasur fatin q\u00eb t\u00eb jet\u00eb n\u00eb pushtet.<\/p>\n<p>Pas mbarimit t\u00eb luft\u00ebs dhe ardhjes s\u00eb Administrat\u00ebs Nd\u00ebrkomb\u00ebtare t\u00eb Kombeve t\u00eb Bashkuara (UNMIK) u mbajt\u00ebn Zgjedhjet e para n\u00eb Kosov\u00eb, n\u00eb vitin 2001.<\/p>\n<p>LDK fitoi shumic\u00ebn e votave dhe p\u00ebrfaq\u00ebsoi shumic\u00ebn e deputet\u00ebve n\u00eb Kuvendin e Kosov\u00ebs. Ibrahim Rugova u zgjodh President i Kosov\u00ebs m\u00eb 04.03. 2002 dhe LDK-ja formoi Qeverin\u00eb e par\u00eb pas luft\u00ebs.<\/p>\n<p>Kjo parti fitoi p\u00ebrs\u00ebri Zgjedhjet e vitit 2004, n\u00eb krye me Ibrahim Rugov\u00ebn, i cili ishte President deri n\u00eb vitin 2006.<\/p>\n<p>Nd\u00ebrsa, n\u00eb Zgjedhjet e vitit 2014, LDK arriti t\u00eb krijonte nj\u00eb koalicion qeveris\u00ebs me partin\u00eb e Hashim Tha\u00e7it, Partin\u00eb Demokratike t\u00eb Kosov\u00ebs (PDK) dhe t\u00eb formonte nj\u00eb Qeveri t\u00eb re n\u00eb krye me Isa Mustaf\u00ebn.<\/p>\n<p>N\u00eb Zgjedhjet e vitit 2019, LDK humbi mund\u00ebsin\u00eb p\u00ebr t\u00eb formuar nj\u00eb Qeveri, pasi LVV fitoi m\u00eb shum\u00eb vota. LVV b\u00ebri koalicion me LDK-n\u00eb, por Marr\u00ebveshja u prish pas disamuajsh kur Qeveria e Kurti u rr\u00ebzua n\u00eb Kuvend n\u00eb mars 2020, p\u00ebrmes nj\u00eb Mocioni Mosbesimi.<\/p>\n<p>N\u00eb k\u00ebt\u00eb situat\u00eb, LDK-ja, n\u00ebn udh\u00ebheqjen e Avdullah Hotit, arriti t\u00eb formonte nj\u00eb koalicion me PDK-n\u00eb dhe partit\u00eb e tjera t\u00eb vogla. M\u00eb 22.03.2020, Hoti u zgjodh Kryeminist\u00ebr i Kosov\u00ebs.<\/p>\n<p>Qeveria Hoti u rr\u00ebzua pas nj\u00eb Mocioni t\u00eb dyt\u00eb Mosbesimi n\u00eb Kuvendin e Kosov\u00ebs.<\/p>\n<p>Kjo u pasua me Zgjedhje t\u00eb parakohshme t\u00eb shkurtit t\u00eb vitit 2021, n\u00eb t\u00eb cilat L\u00ebvizja Vet\u00ebvendosje doli fituese.N\u00eb Zgjedhjet e fundit n\u00eb vitin 2021, LDK-ja fitoi 12.64 % \u2013 duke u renditur si partia e tret\u00eb, p\u00ebr nga numri i votave.<\/p>\n<p>&#8220;Debat P\u00ebrnime\u201d \u00ebsht\u00eb format i cili do t\u00eb transmetohet p\u00ebr nj\u00eb muaj rresht deri nj\u00eb dit\u00eb para Zgjedhjeve parlamentare t\u00eb 09 shkurtit 2025. Kandidat\u00ebt p\u00ebr deputet\u00eb nga partit\u00eb politike garuese p\u00ebrve\u00e7 q\u00eb prezantojn\u00eb Programin e tyre, p\u00ebrballen me pyetjet e Jeta Xharr\u00ebs, kryeredaktorit t\u00eb KALLXO.com, Kreshnik Gashi dhe Visar Prebrez\u00ebs nga \u201cKrypomet\u00ebr\u201d.<\/p>\n<p>L\u00ebvizja Vet\u00ebvendosje (LVV) ka zgjedhur q\u00eb gjat\u00eb fushat\u00ebs p\u00ebr Zgjedhjet e 9 shkurtit t\u00eb\u00a0mos marr pjes\u00eb n\u00eb disa nga mediat n\u00eb Kosov\u00eb. Kjo parti e ka arsyetuar mospjes\u00ebmarrjen\u00a0n\u00eb emisionet politike t\u00eb shfaqura n\u00eb mediume t\u00eb caktuara, me pretendimin se gjoja ato media jan\u00eb n\u00eb pron\u00ebsi t\u00eb oligark\u00ebve.<\/p>\n<p>RTV Dukagjini \u00ebsht\u00eb n\u00eb list\u00ebn e k\u00ebtyre mediave t\u00eb \u201cpiketuara\u201d nga LVV, e pik\u00ebrisht n\u00eb k\u00ebt\u00eb televizion transmetohet emisioni \u201cDebat P\u00ebrnime\u201d \u2013 prodhim i KALLXO.com.<\/p>\n<p>Mir\u00ebpo, p\u00ebr dallim nga partia n\u00eb pushtet, partit\u00eb e tjera opozitare kan\u00eb pranuar t\u00eb marrin pjes\u00eb n\u00eb k\u00ebt\u00eb Debat dhe t\u2019u p\u00ebrgjigjen pyetjeve t\u00eb gazetar\u00ebve t\u00eb Kallxo-it.<\/p>\n<p>Jeta Xharra, drejtuese e \u201cDebat P\u00ebrnime\u201d tha n\u00eb nisje t\u00eb debatit p\u00ebr infrastruktur\u00eb, ambient\u00a0dhe bujq\u00ebsi se: \u201cRrug\u00ebt nuk jan\u00eb mb\u00ebrri me u ndreq, mir\u00ebpo nashta i kishim\u00a0fal\u00eb diqysh n\u00ebse e kishin ndreq bile ambientin. P\u00ebr fat t\u00eb keq Deponia e Mirashit\u00a0dhe deponit\u00eb e mbeturinave jan\u00eb n\u00eb gjendje katastrofale sot e k\u00ebsaj dite n\u00eb Kosov\u00eb. Asnj\u00ebri\u00a0prej impianteve t\u00eb uj\u00ebrave t\u00eb zeza q\u00eb ka pas\u00eb m\u00eb u kry nuk \u00ebsht\u00eb p\u00ebrfundu\u201d.<\/p>\n<p>&nbsp;<\/p>\n","protected":false},"excerpt":{"rendered":"<p>Themelimi e nj\u00eb aviokompanie, nd\u00ebrtimi i nj\u00eb centrali me gaz, p\u00ebrfundimi i projekteve rrugore dhe heqja e akciz\u00ebs s\u00eb naft\u00ebs dhe e norm\u00ebs s\u00eb interesit t\u00eb kredive p\u00ebr bujqit, jan\u00eb disa nga zotimet e LDK-s\u00eb n\u00eb bujq\u00ebsi, infrastruktur\u00eb dhe ambient. Kandidat\u00ebt p\u00ebr deputet\u00eb nga Lidhja Demokratike e Kosov\u00ebs (LDK) premtojn\u00eb se do t\u00eb p\u00ebrfundojn\u00eb rrug\u00ebt [&hellip;]<\/p>\n","protected":false},"author":4,"featured_media":3210801,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[4],"tags":[1192,2784,2256,2887,2888,2432,1197,117,2889,2890],"class_list":["post-3210785","post","type-post","status-publish","format-standard","has-post-thumbnail","hentry","category-gjate","tag-alban-zogaj","tag-ambient","tag-bujqesi","tag-debatperime2025","tag-energji","tag-infrastruktura","tag-krenar-xhaferi","tag-ldk","tag-xhafer-tahiri","tag-zgjedjet2025"],"lang":"sq","translations":{"sq":3210785},"pll_sync_post":[],"_links":{"self":[{"href":"https:\/\/www.drakonispahiu.com\/index.php?rest_route=\/wp\/v2\/posts\/3210785","targetHints":{"allow":["GET"]}}],"collection":[{"href":"https:\/\/www.drakonispahiu.com\/index.php?rest_route=\/wp\/v2\/posts"}],"about":[{"href":"https:\/\/www.drakonispahiu.com\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.drakonispahiu.com\/index.php?rest_route=\/wp\/v2\/users\/4"}],"replies":[{"embeddable":true,"href":"https:\/\/www.drakonispahiu.com\/index.php?rest_route=%2Fwp%2Fv2%2Fcomments&post=3210785"}],"version-history":[{"count":0,"href":"https:\/\/www.drakonispahiu.com\/index.php?rest_route=\/wp\/v2\/posts\/3210785\/revisions"}],"wp:featuredmedia":[{"embeddable":true,"href":"https:\/\/www.drakonispahiu.com\/index.php?rest_route=\/"}],"wp:attachment":[{"href":"https:\/\/www.drakonispahiu.com\/index.php?rest_route=%2Fwp%2Fv2%2Fmedia&parent=3210785"}],"wp:term":[{"taxonomy":"category","embeddable":true,"href":"https:\/\/www.drakonispahiu.com\/index.php?rest_route=%2Fwp%2Fv2%2Fcategories&post=3210785"},{"taxonomy":"post_tag","embeddable":true,"href":"https:\/\/www.drakonispahiu.com\/index.php?rest_route=%2Fwp%2Fv2%2Ftags&post=3210785"}],"curies":[{"name":"wp","href":"https:\/\/api.w.org\/{rel}","templated":true}]}}