Policia e Kosovës ka bërë të ditur se një person në Prishtinë ka raportuar se vajza e tij është larguar nga shtëpia nga data 28.12.2024 dhe nuk është kthyer më.
Policia ka iniciuar rast si “Person i zhdukur” dhe rasti sipas tyre, vazhdon të jetë nën hetime.
Një person është arrestuar dje me 31.12.2024 në Gjakovë, pasi që dyshohet se ka kanosur drejtorin e Spitalit Rajonal të Gjakovës, Hilmi Shalën.
Sipas Policisë së Kosovës, në veturën e të dyshuarit është gjetur dhe sekuestruar një pistoletë me 14 fishekë.
Me vendim të prokurorit i dyshuari është dërguar në mbajtje.
Policia e Kosovës ka bërë të ditur se mbrëmë rreth orës 21:30 një shpërthim i zjarrit ka ndodhur nga ndezja e mjeteve piroteknike në një pikë-shitje në trotuar.
Si pasojë, ka bërë të ditur Policia, zjarri është përhapur në lokalet dhe ndërtesat për rreth kësaj pike shitjeje. Dy persona kanë mbetur të lënduar, ku njëri prej tyre është dërguar në QKUK në Prishtinë, ndërsa tjetri në Emergjenë në Prizren.
“Në vendin e ngjarjes janë shkaktuar dëme materiale në objekte si banesa, lokale dhe automjete. Njësiti i zjarrfikësve ka dalë në vend ngjarje dhe kanë arritur ta shuajnë zjarrin” – ka njoftuar Policia e Kosovës.